Video
Read full review
2017-12-15
1995 views
同朋友慶祝生日兩個人去咗呢間灣仔嘅樓上酒吧慶祝. 呢個地方唔太近地鐵站, 銅鑼灣出咗之後一直向同一方向行七至十分鐘後轉彎上樓就見到. 不過都唔太難搵七點鐘去到嗰時已經坐咗三四張枱, 仲有好多人喺度篤緊波， 氣氛都幾好嘅。但係waiter 就安排所有人逼住一張檯一張枱咁座，冇得畀你揀位。 搞到想座偏僻嘅為自己傾下計都唔得 食曬隔離枱啲煙味嘢食方面， 因為係happy hour時段， 所以叫咗佢嘅happy hour snack combo， 188蚊自選三個小食燒汁芝士焗薯條小食來講呢個係必食， 嚟嗰時已經聞到好香，個賣相都好睇。薯條雖然焗到淋曬但係佢個燒汁芝士同佢個薯條真係好match， 而且仲好重芝士， 幾乎每一條薯條都可以點到唔係好似出面咁得面嗰浸有芝士， 食極都仲有真係好開心， 食完嗰幾日都係咁回味好想專登為咗呢個薯條番去食。孜然串燒~牛呢個就真係有少少失望， 有牛味但係唔夠熱， 唔夠出面啲串燒舖好食， 份量如圖， 如果係注重傾計而唔係味道都可以試下意大利巴馬火腿薄餅味道偏甜系我鍾意嘅味道☺， 美中不足就係凍得快， 雖然係薄批但係好難咬， 我覺得還可以接受， 但係我嘅朋友就話咬唔
七點鐘去到嗰時已經坐咗三四張枱, 仲有好多人喺度篤緊波， 氣氛都幾好嘅。
但係waiter 就安排所有人逼住一張檯一張枱咁座，冇得畀你揀位。 搞到想座偏僻嘅為自己傾下計都唔得 食曬隔離枱啲煙味
嘢食方面， 因為係happy hour時段， 所以叫咗佢嘅happy hour snack combo， 188蚊自選三個小食
燒汁芝士焗薯條
小食來講呢個係必食， 嚟嗰時已經聞到好香，個賣相都好睇。薯條雖然焗到淋曬但係佢個燒汁芝士同佢個薯條真係好match， 而且仲好重芝士， 幾乎每一條薯條都可以點到唔係好似出面咁得面嗰浸有芝士， 食極都仲有真係好開心， 食完嗰幾日都係咁回味好想專登為咗呢個薯條番去食。
孜然串燒~牛
呢個就真係有少少失望， 有牛味但係唔夠熱， 唔夠出面啲串燒舖好食， 份量如圖， 如果係注重傾計而唔係味道都可以試下
意大利巴馬火腿薄餅
味道偏甜系我鍾意嘅味道☺， 美中不足就係凍得快， 雖然係薄批但係好難咬， 我覺得還可以接受， 但係我嘅朋友就話咬唔到， 不過我仍然覺得別有一番風味
Mocktail~Twilight Dove
$79, buy one get one free
正正常常橙汁味重， 都可以呀
總結而言味道中上有亮點， 價錢以酒吧嚟㗎都叫做平， 氣氛熱鬧， 環境乾淨， 每張枱都有一個香薰小蠟燭( 我個朋友超鍾意係咁揸住影相)
整體嚟講都幾好， 可以自己揀位就仲好
Post
