Double Tree (Closed)

星期日就係要不停瞓瞓瞓到暈先捨爬起身！今日當然都唔例外！起得身已經要食晚飯就是常識~於是就同左阿妹外出食個靚飯，揸車係銅鑼灣轉左幾圈都唔食咩，加上人又太多，於是就揸左去灣仔睇吓有無正野食轉轉吓見到呢間餐廳加上門口又有位泊車，咁就真係唔使諗，即泊低即入去食！由於我太肚餓所以望左一陣就立馬叫左好幾樣野！先有我揀既燒黑椒德國鹹豬手配意粉！豬手炸得香脆又夠入味，肉香爆出，每口都好滿足好好味！點埋特製醬汁下更是正爆！意粉煮得軟硬適中，點點醬再夾埋香爆豬手一齊食，確係幸福的星期日晚再來就有妹子想食既蒜香炸雞中翼，一碟4隻，我地每人2隻，份量剛好！雞翼皮炸得極香口，又不油膩，加上濃郁的蒜香下，更是滋味到爆燈！而且雞翼中也很夠味，味道合乎預期，大滿足！妹子爆愛芝士，因此就叫左芝士焗薯角，份量十足，大大碟！芝香四溢，薯角在焗前更炸過，皮身本身己很香脆，加上芝士再焗得微焦下，味道更是十分香濃，好食到妹子食完一嚿又一嚿，大部份都被佢食晒呢餐食到飽又唔貴，覺得今個星期日都幾Lucky