Video
Read full review
2017-06-18
1171 views
兩個人飲茶往往在6-7個點心左右通常都埋單了, 今次來這店發現他們有做二人點心套餐, 有點似西餐廳的tasting menu, 每樣餐廳認為值得推介的點心每樣都試少少, 其中蝦餃同义燒飽都甚有水準, 蝦餃造形精美睇得出師傅手藝, 蝦的選料上乘只用了基本調味已經甚有層次, 义燒飽唔算大碼只是中小碼, 但义燒餡料沒太多獻的杰汁, 同樣造型傳統的同時從面看只見收口又或者只是一線赤紅色裂縫完沒有絲毫爆口, 义燒餡肥瘦適中, 煎腸粉則屬於清淡之作, 四條食指長度的煎腸粉一字排開上面再放上輕輕炒過的韮黃/銀芽/唐芹條吊味同時作裝飾之用, 春卷外皮的上色稍稍不夠, 牛肉球亦算中上之作, 甜品前再來一個龍躉柳稻庭烏冬, 魚柳可能會感覺有點實, 但這種深海魚就係呢個口感, 最後上的甜品是穩打穩紮的桂花糕, 唔算好特別不過就穩陣無得輸囉,另一次是同少婦A來食晚飯的經驗, 煄蛋主題明確, 煙燻味濃, 溏芯效果亦突出, 黑蒜白肉蒸龍躉球, 顏色黑白對比視覺效果好但由於中菜蒸魚必然有醬油汁在底, 如果可以唔用這茶色嘅醬油而魚肉又有足夠的味道就真的十全十美了,又或者醬油是黑色的無形中再同坐底的白荳腐來多一個對比色
另一次是同少婦A來食晚飯的經驗,
煄蛋主題明確, 煙燻味濃, 溏芯效果亦突出,
黑蒜白肉蒸龍躉球, 顏色黑白對比視覺效果好但由於中菜蒸魚必然有醬油汁在底, 如果可以唔用這茶色嘅醬油而魚肉又有足夠的味道就真的十全十美了,又或者醬油是黑色的無形中再同坐底的白荳腐來多一個對比色不是更有趣的嗎?
魚肉彈牙之餘只須沾上一點咸味已經突出到魚的味道, 放置於頂的黑蒜味道少甜但其實唔覺食緊蒜頭, 因為蒜頭那霸道的氣味完全唔多覺,咬下去似是一堆蒜泥, 是否對身體有益無法得知,
這裡的樟茶鴨有兩個版本, 一是一般的一隻鴨做, 而另一個版本則是將樟茶鴨跟蝦膠組合, 將蝦膠刎上樟茶鴨拿去炸後斬件, 將斬件成麻雀般大細的樟茶鴨件底面相間排列出正副面效果, 心思是有的,技藝上亦做得到了, 但鴨肉始終有厚薄所以排出來時會見到有高低, 如果改善到這一點從視覺上看將會是一個樟茶鴨棋盤, 而這菜由於係油炸出來的, 上乘的炸功令鴨件一點都不會油淋淋, 不過食的時候少不免覺得乾乾地, 如果有個類似酸甜汁點一下, 效果會大大不同吧!而伴碟係炸過的黑色鬚鬚都好好食, 但顏色配搭出效果不太理想, 如果有些綠色或者紅色相間一下, 睇法應該會唔一樣,
最後叫的是生牛肉炒飯, 炒得好好, 無論調味, 飯的軟硬適中, 連當初話自己已經好飽的少婦A都默默耕耘地吃了兩碗, 而最後唔使打包拿走就知有幾好食啦,這就是最直截了當對廚師的嘉許,
這裡的廚師手藝了得是無容置疑的了, 對菜式的創新亦有心有力, 但表演手法有時可能跳不出傳統框框, 中菜師傅好多時會走到這樽頸位, 天馬行空嘅意念能通過一雙手創作出來從來不簡單, 中間經歷多少次反覆試驗可能都未必成功的日子, 希望這裡的廚師可以發揮更大的創意更多的點子,
這店店內空間感大, 客人坐得舒適, 價位唔算低但亦非跟五星酒店爭一日之長短, 服務態度中上有問必答,
一人份煎腸粉
11 views
0 likes
0 comments
蝦餃/ 义燒飽
7 views
0 likes
0 comments
义燒飽內餡
7 views
0 likes
0 comments
蝦餃餡
9 views
0 likes
0 comments
10 views
0 likes
0 comments
稻庭烏冬
19 views
0 likes
0 comments
14 views
0 likes
0 comments
12 views
0 likes
0 comments
Post
