Read full review
2018-08-16
57 views
今日喺尖沙咀附近同男朋友行街, 行到又攰又餓既時候,當然系坐底叉一叉電啦。 早前朋友向我提起北京道附近有一間有貓貓同有卡game玩嘅餐廳,好適合去拍拖,因為可以又食又玩嘛,而且地點都唔難搵,地鐵站一出行兩分鐘就到了。 嚟到餐廳真係冇令我失望, 餐廳佈置色彩繁多充滿童真, 牆壁上貼滿好多波板糖,仲有我最中意Line系列的公仔氣球,即時加晒分~! 另外仲有肥嘟嘟好可愛嘅貓仔陪你共餐, 好有家的感覺~另外值得一提嘅餐係廳嚟嘅店員每個都好友善有禮貌,等左一陣就招待我地入坐。我地叫左個套餐,今次嘅餐湯係粟米南瓜忌廉湯。餐湯好大碗,湯汁又煮得好濃,兩個人分黎食都仲好夠添,清甜嘅粟米同南瓜配上濃濃嘅忌廉好creamy好入味。中意食海鮮嘅朋友記得一定要叫呢款炭燒虎蝦蕃茄扁意粉, 虎蝦 size好大隻 ,炭燒咗之後, 再配上香草,蝦香撲鼻 ,食落肉質鮮味彈牙, 又有番茄同扁意粉嘅襯托, 口感控制得啱啱好, 所以我地加錢要多隻虎蝦~一人一隻。本身我個人都幾鍾意食菇類嘅嘢, 而餐牌又寫話推薦,所以我同男朋友即刻好有共識咁叫左個芝士焗大傘菇。上碟個陣見到佢地用兩隻傘菇拼成一個""哈哈笑""圖案,即刻覺得好有
今日喺尖沙咀附近同男朋友行街, 行到又攰又餓既時候,當然系坐底叉一叉電啦。 早前朋友向我提起北京道附近有一間有貓貓同有卡game玩嘅餐廳,好適合去拍拖,因為可以又食又玩嘛,而且地點都唔難搵,地鐵站一出行兩分鐘就到了。
嚟到餐廳真係冇令我失望, 餐廳佈置色彩繁多充滿童真, 牆壁上貼滿好多波板糖,仲有我最中意Line系列的公仔氣球,即時加晒分~! 另外仲有肥嘟嘟好可愛嘅貓仔陪你共餐, 好有家的感覺~另外值得一提嘅餐係廳嚟嘅店員每個都好友善有禮貌,等左一陣就招待我地入坐。
我地叫左個套餐,今次嘅餐湯係粟米南瓜忌廉湯。餐湯好大碗,湯汁又煮得好濃,兩個人分黎食都仲好夠添,清甜嘅粟米同南瓜配上濃濃嘅忌廉好creamy好入味。
中意食海鮮嘅朋友記得一定要叫呢款炭燒虎蝦蕃茄扁意粉, 虎蝦 size好大隻 ,炭燒咗之後, 再配上香草,蝦香撲鼻 ,食落肉質鮮味彈牙, 又有番茄同扁意粉嘅襯托, 口感控制得啱啱好, 所以我地加錢要多隻虎蝦~一人一隻。
本身我個人都幾鍾意食菇類嘅嘢, 而餐牌又寫話推薦,所以我同男朋友即刻好有共識咁叫左個芝士焗大傘菇。上碟個陣見到佢地用兩隻傘菇拼成一個""哈哈笑""圖案,即刻覺得好有心思呢。傘菇有我半隻拳頭咁大,成隻被濃郁嘅芝士緊緊的包裹著,單睇賣相就令人垂涎三尺
,食落去仲係熱騰騰,好滑爽仲有好多菇汁, 芝士又夠濃郁,兩種味好夾。
見呢到既芝士唔錯,所以我地仲叫左另一款小食,就系青口焗芝士。作為芝士控的我~必定要叫,口感鮮甜彈牙十足。
Post