Video
Read full review
2024-02-21
38 views
Sun 18 Feb 初九仲以為 星期日 銅鑼灣 食晏 會好難搵位，所以都冇乜期望，求其搵間有位坐嘅就撞入去。原來佢主打係食雞。$8x+ 主食、$5x+ side dish，好明顯佢對出品哋好有信心。砂鍋桃膠雪燕椰子雞 配 粉絲。要等多一陣，上菜嘅時候好有氣勢，熱騰騰嘅砂鍋 湧上嚟嘅椰子香氣 滾淥淥嘅上湯 卜碌卜碌咁樣擺喺你面前，先聲奪人。材料上冇揸流攤，真係有晒佢講嘅嘢。好食 推介。麻辣海蜇手撕雞撈刀削麵。以我啲10小辣程度，都剛剛頂得住。食得辣嘅人，不妨叫佢加辣。好香口 追住食到美人照鏡。胡麻醬手撕雞撈刀削麵。真係顧名思義，係 「胡麻醬手撕雞」…..，唔好幻想會係 「手撕雞胡麻醬」……。 不過味道真係唔錯，胡麻醬溝得剛剛好。好啱我口味。
仲以為 星期日 銅鑼灣 食晏 會好難搵位，所以都冇乜期望，求其搵間有位坐嘅就撞入去。原來佢主打係食雞。$8x+ 主食、$5x+ side dish，好明顯佢對出品哋好有信心。
砂鍋桃膠雪燕椰子雞 配 粉絲。
要等多一陣，上菜嘅時候好有氣勢，熱騰騰嘅砂鍋 湧上嚟嘅椰子香氣 滾淥淥嘅上湯 卜碌卜碌咁樣擺喺你面前，先聲奪人。材料上冇揸流攤，真係有晒佢講嘅嘢。好食 推介。
麻辣海蜇手撕雞撈刀削麵。
以我啲10小辣程度，都剛剛頂得住。食得辣嘅人，不妨叫佢加辣。好香口 追住食到美人照鏡。
胡麻醬手撕雞撈刀削麵。
真係顧名思義，係 「胡麻醬手撕雞」…..，唔好幻想會係 「手撕雞胡麻醬」……。 不過味道真係唔錯，胡麻醬溝得剛剛好。好啱我口味。
Post
