屋子生活 (Closed)

風和日麗，走入烏溪沙逛下，對我而言，烏溪沙真係好鄉村，好遠，但原來有好多豪宅，還有一間好有特色的餐廳。坐在落地大玻璃側，仲係榻榻米，望住外邊風景，幾得意。下午茶餐有蛋糕，鬆餅，窩夫選擇，配茶或咖啡，五十大元，尚算合理。小倉抹茶窩夫店員推介話係人氣之選。賣相不錯。窩夫做到外脆內軟，配合抹茶雪糕，好正。還有紅豆蓉，煮得軟腍，綿綿口感，豆味香濃。美式咖啡質量尚算滿意，但如果盛載的杯轉為陶瓷杯之類，畫面更靚。