deFoodies

Open Now

Now Closed

第一次去呢間樓上Cafe，食物價錢唔貴之餘，人又唔多，感覺上差啲舒服到訓著佢呢度要自己去counter度比錢叫野食，佢地會比個通知器你，咁你就可以搵位坐啦~佢會有幾款唔同既坐位，因為我地得兩個人所以揀左普通2人枱坐，我地隔離仲有個超大既櫻木花道模型環境好舒服，又夠靜，播住啲純音樂真係好正。見到後面有個台，但佢地只開到6點，唔知係唔係夜晚比人租黎搞活動用呢？葡汁焗雞飯（＄68）＋ 蘋果汁（跟餐＄3）葡汁好香，雞排都大塊，啲飯仲要係雞蛋炒飯，真係好好食，本身餐有包兩款熱茶，不過朋友唔想飲熱野就轉左杯蘋果汁。香辣蒜炒蝦意粉 ＋ 熱伯爵紅茶個意粉有小小辣，不過唔多，好香口。啲蝦入味仲好爽口，佢仲要加埋一啲煮過既番茄仔，可以幫解一啲辣味。默樂雞 （＄48）默樂雞感覺好普通，本人覺得可以唔叫。