Video
Read full review
2023-05-22
823 views
疫後遊東京，同對上一次一樣繼續選乘「全日空航空公司」。「全日空」於香港國際機場並無設置貴賓室，暫時商務艙嘅搭客可享用「環亞優逸庭貴賓室」（Plaza Premium First Hong Kong）。由於辧理手續時航空公司職員冇提過，登機證又冇注明，小肥都係去錯咗先知鄰近一號登機閘原來有兩個「環亞機場貴賓室」（Plaza Premium Lounge Hong Kong）！其中門外打蛇餅嗰個係普通版，除咗可以俾錢入（$640/成人；$448/小童；2歲以下免費），出示指定信用卡更可免費入場。或許因人手短缺問題，暫時只限指定航空公司高級會員、商務艙及頭等艙乘客享用嘅「環亞優逸庭貴賓室」係半隱蔽於走廊，冇咁遠嗰間。周圍探索，發現貴賓室原來喺2018年先開，應該好新吓喎。樓底偏矮嘅「優逸庭」唔算特別大或者豪華。指示牌所示，除咗有浴室、酒吧同餐室，其實仲有暫停中嘅按摩服務。室內最光猛搶眼就係個酒吧。晨早七點幾已經有紅、白、啤酒飲。可惜日本啤酒機同按摩服務一樣玩緊暫停。媽咪真係心水清，一眼就留意到陳列出嘅酒品中冇一款係背景提到嘅單一麥芽蘇格蘭威士忌。XO仔都係第一次見到可樂同雪碧用透明容器裝住，
由於辧理手續時航空公司職員冇提過，登機證又冇注明，小肥都係去錯咗先知鄰近一號登機閘原來有兩個「環亞機場貴賓室」（Plaza Premium Lounge Hong Kong）！其中門外打蛇餅嗰個係普通版，除咗可以俾錢入（$640/成人；$448/小童；2歲以下免費），出示指定信用卡更可免費入場。
或許因人手短缺問題，暫時只限指定航空公司高級會員、商務艙及頭等艙乘客享用嘅「環亞優逸庭貴賓室」係半隱蔽於走廊，冇咁遠嗰間。
周圍探索，發現貴賓室原來喺2018年先開，應該好新吓喎。
樓底偏矮嘅「優逸庭」唔算特別大或者豪華。指示牌所示，除咗有浴室、酒吧同餐室，其實仲有暫停中嘅按摩服務。
室內最光猛搶眼就係個酒吧。
晨早七點幾已經有紅、白、啤酒飲。
可惜日本啤酒機同按摩服務一樣玩緊暫停。
媽咪真係心水清，一眼就留意到陳列出嘅酒品中冇一款係背景提到嘅單一麥芽蘇格蘭威士忌。
XO仔都係第一次見到可樂同雪碧用透明容器裝住，唔睇牌仔仲以為係椰水同凍啡添。
最入嘅自助飲品區有凍水、熱水、茶、奶、橙汁同咖啡機。
自選食物質量及選擇比較一般，有大路嘅沙律、香腸、烚蛋、薯餅、粥等。
當中只有熱辣嘅魚蛋米啱口味。
「港式魚蛋河粉」
19 views
1 likes
0 comments
「港式魚蛋河粉」
20 views
1 likes
0 comments
香港國際機場內嘅「環亞優逸庭貴賓室」離出境檢查大堂非常近，位置堅方便。可能係因後新冠影響下，貴賓室以接待處最為專業，室內環境及餐飲質素冇乜獨特標青，酒酒毫不吸引，感覺各方面都好hea，完全唔似商務或頭等囉！
Post
