梨花園韓國料理 (Closed)

話有成幾十年歷史，1965年到而家的梨花園，其實真係從來未食過。 咁啱經過又唔知食乜好，就同男友入左去。 入到去都有好幾枱，星期四晚，又樓上鋪嚟講都算係咁。餐牌上的照片都幾吸引，樣樣都想試下。男友瞄到個$380二人套餐，有肉、有石頭飯、有粉絲、有湯加埋D前菜，聽落都幾抵下，就費事煩，嗌左個試下Waiter 話D肉會由廚房燒定出來，冇得自己燒，我地都預左，話冇問題。 話咁快D前菜上晒，各樣都唔錯，高麗菜 kimchi 都做得正統好味，其他都新鮮，味道都正常。唯一唔得嘅係個蒜子苗，唔單止有渣，仲有陣怪味，好似霉霉哋......食左兩條就冇食。粉絲淋左D，唔夠乾身，不過都過得去。D肉有晒🐔🐷🐮三款，不過一上枱就見到好水汪汪，完全冇🇰🇷燒感覺，似煮熟多D，不過都唔難食嘅，只係同想像唔同。個豆腐湯唔夠入味，色水夠晒，但個味差D，不過好再有D🦑撘救。石頭飯都係一般貨仔，味道都係一般，有D濕，材料可以再好D。總體嚟講都 hea hea 哋，有種做耐左，冇乜心機的感覺，我諗以前應該好好多。最滿意係$380有咁多食物，我地都食唔晒，打包仲可以食多餐。不過如果食物麻麻哋，再抵都未必再嚟