Nomads (Closed)

今日去食午餐自助餐，價錢只得118加1。仲有折tim。71蚊埋單走人。性價比超高，除左炒得好好味嘅新鮮餸菜菜之外，仲有幾款前菜，沙律同甜品。甜品真係好甜，岩細路仔食，我個人就麻麻。整體黎講，食材新鮮，師父功夫了得。仲可以自己揀想食嘅野食整主菜。其他自助餐未必比到客人咁大空間去炮製想食嘅野。呢個賣點唔錯。環境幾舒服， 張櫈幾好坐，光線稍為暗左少少，可能同餐廳嘅主題有關。好多擺設同裝飾。服務有中上，侍應主動問我地識唔識整野食，仲介紹唔同醬汁點配搭會好味，呢樣野真係幾唔錯。人手睇落唔係好多，但可以做到唔亂，冇mistake，說話有笑容，都算係唔錯。整體來講，如果想食又平又健康嘅野，可以去試下，性價比幾好高。