Video
Read full review
2024-03-05
30 views
餐廳環境幾放鬆，見到Menu上面會寫埋每樣菜式嘅calories 同埋protein，啱晒注重健康飲食嘅人。最令我驚喜嘅係去到餐廳竟然有live Music聽，問一問先知道原來逢星期四同六嘅夜晚六半起會有兩節45分鐘嘅表演，可以一邊睇住表演，一邊享受晚餐。見到有表演睇，今次就試左個二人set，慢慢享受。Soup黑松露蘑菇湯周打忌廉湯湯入口香滑，而且仲真材實料，食到湯入面嘅海鮮。Salad煙三文魚牛油果凱撒沙律三文魚同牛油果都係健康嘅食材，牛油果切成細細粒但都食得出好滑，其他嘅沙律菜幾爽脆新鮮。慢煮雞胸地中海沙律慢煮過嘅雞胸幾嫩，望落去好白，但食落唔會淡而無味，幾鍾意雞胸嘅味道。沙律仲有細細粒嘅芝士調一調味，味道唔會太單調。Starter意式多士拼盤（羅勒芝士，辣肉腸蕃茄）羅勒芝士嘅羅勒醬好香，加埋芝士再燒一燒就更焦香，多士都好香脆。辣肉腸蕃茄味道鹹香，帶蕃茄少少酸，兩款多士味道都唔錯。海鮮他他塔伴三文魚籽蝦肉加埋鹹鹹嘅三文魚籽，味道幾夾，加埋塔底更有口感。 Main香煎帶子龍蝦汁意粉帶子幾大粒，意粉軟硬適中而且掛汁，食到龍蝦汁味道。慢煮豬鞍伴泰式香茅忌廉汁慢煮豬鞍配上泰式香茅忌廉汁感覺
餐廳環境幾放鬆，見到Menu上面會寫埋每樣菜式嘅calories 同埋protein，啱晒注重健康飲食嘅人。最令我驚喜嘅係去到餐廳竟然有live Music聽，問一問先知道原來逢星期四同六嘅夜晚六半起會有兩節45分鐘嘅表演，可以一邊睇住表演，一邊享受晚餐。見到有表演睇，今次就試左個二人set，慢慢享受。
Soup
黑松露蘑菇湯
周打忌廉湯
湯入口香滑，而且仲真材實料，食到湯入面嘅海鮮。
Salad
煙三文魚牛油果凱撒沙律
三文魚同牛油果都係健康嘅食材，牛油果切成細細粒但都食得出好滑，其他嘅沙律菜幾爽脆新鮮。
慢煮雞胸地中海沙律
慢煮過嘅雞胸幾嫩，望落去好白，但食落唔會淡而無味，幾鍾意雞胸嘅味道。沙律仲有細細粒嘅芝士調一調味，味道唔會太單調。
Starter
意式多士拼盤（羅勒芝士，辣肉腸蕃茄）
羅勒芝士嘅羅勒醬好香，加埋芝士再燒一燒就更焦香，多士都好香脆。辣肉腸蕃茄味道鹹香，帶蕃茄少少酸，兩款多士味道都唔錯。
海鮮他他塔伴三文魚籽
蝦肉加埋鹹鹹嘅三文魚籽，味道幾夾，加埋塔底更有口感。
Main
香煎帶子龍蝦汁意粉
帶子幾大粒，意粉軟硬適中而且掛汁，食到龍蝦汁味道。
慢煮豬鞍伴泰式香茅忌廉汁
慢煮豬鞍配上泰式香茅忌廉汁感覺特別，豬鞍一啲都唔韌，豬味幾濃。泰式香茅忌廉汁加左好多泰式香料，食到香茅嘅味道，食落有少少似青咖哩嘅感覺。
Daily dessert
麵包布丁
食落麵包嘅質感唔明顯，食落係軟得黎帶少少實嘅布丁嘅口感，食落幾特別，而且好香甜。
焦糖燉蛋
燉蛋好滑嫩，入口好香甜，脆脆焦糖，唔會過甜，一口接一口。估唔到餐廳嘅甜品又幾驚喜。
焦糖燉蛋
16 views
0 likes
0 comments
Post
