籽樂廚房 (Closed)

當日係星期五，遇上包場活動，好彩有訂位，如果唔係應該冇位座！不過當日下午確認訂位時，已經收到通知要人齊入座同埋可能8點先有位（我訂7點半，不過都係差唔多8點先人齊 ）！雖然坐係廚房出菜位附近，不過見到啲食物不停拎出黎，真係好開心！當晚推介既係斧頭扒，可惜我地有兩個唔食牛肉，如果唔係個斧頭扒套餐好抵食！因為 open rice 訂位，所有套餐都有88折！整體黎講，頭盤，湯，甜品同飲品都出得好快，換碟亦好有效率，侍應好主動同快手！不過主菜方面就等得比較耐，而且一出就同時幾份一齊出，難免會有所比較，同埋食物方面就比較咸，甜品都唔太特別好食，但尚算 ok, 折左之後就抵食啲！