Video
Read full review
2013-11-02
143 views
如果大家這兩天有經過開「美心西餅」，相信應該會發現美心推出咗一系列 Hello Kitty 派對蛋糕，當中包括 Hello Kitty 摩天輪 Cupcake 套裝 ($298)、Hello Kitty Rainbow ($228)、開心 Hello Kitty 3D 造型蛋糕 ($168)，以及 Hello Kitty 甜品杯 ($20) 等，就算閣下非 Kitty 迷，見到這些造型搶眼矚目的蛋糕產品，相信亦會看得心花怒放。是的，原來「美心」繼早前獨家推出香港人至愛的山東板栗系列後，近日又有新搞作，推出咗 Hello Kitty X Maxim's Cake Party 系列，而且仲特別挑選於 Hello Kitty 正日生日，即 11 月 1 日，在全線「美心西餅」隆重推出，一於把 Kitty 熱潮攻陷全城。昨天晨早收到美心公關電郵，說會送來 Hello Kitty PR Kit，估唔到下午就已經收到，效率奇高，而且連個郵包都用上 Hello Kitty 手挽袋做包裝，真是精美得令人愛不釋手。原來郵包內除了《Hello Kitty 摩天輪 Cupcake套裝》換領券外，還有限量版
是的，原來「美心」繼早前獨家推出香港人至愛的山東板栗系列後，近日又有新搞作，推出咗 Hello Kitty X Maxim's Cake Party 系列，而且仲特別挑選於 Hello Kitty 正日生日，即 11 月 1 日，在全線「美心西餅」隆重推出，一於把 Kitty 熱潮攻陷全城。
昨天晨早收到美心公關電郵，說會送來 Hello Kitty PR Kit，估唔到下午就已經收到，效率奇高，而且連個郵包都用上 Hello Kitty 手挽袋做包裝，真是精美得令人愛不釋手。
原來郵包內除了《Hello Kitty 摩天輪 Cupcake套裝》換領券外，還有限量版 Hello Kitty X Maxim’s Cakes Tote Bag 一個，外形既美觀又夠實用，真窩心，在此也要說聲謝謝。
翌日立刻去「美心」換套旋轉摩天輪 set 同 Cupcake，一於開行 turbo，自己動手 DIY。
嘩，個 Hello Kitty 手抽真係靚絕，好大個呀，fancy得嚟又夠 chic。
一盒 8 個的 Cupcake，以 Hello Kitty 公仔配粉紅間條紙盒盛載，相信無論大人細路見到都會大讚可愛。
原來這套 Cupcake 包括 4 個朱古力味和 4 個原味，每個 Cupcake 都會配上 Hello Kitty 頭像和蝴蝶結裝飾兩款，好 kawaii 呀！
都係時候動手砌旋轉摩天輪 Cupcake 座喇，送埋安裝說明書，簡單易明，一睇就掂。
10 鐘都唔駛，就已經砌好，一於攞埋兩款 cupcake 出嚟，邊玩邊吃。
咦，竟然忘記了砌摩天輪上的車廂添，哈哈，唔怪得咁快砌完喇，數一數，共有 8 個兩款車廂，包括 Hello Kitty 同蛋糕，以間隔形式組合放上摩天輪嗰到都好喎，無論用來載 cupcake，甚至盛載小文具都一樣咁實用美觀。
至於兩款原味和朱古力味 cupcake，相信都唔需要多作介紹，外形勝於一切，而且層朱古力皮又香又脆，相信女生一定會鍾意。
原來臨近聖誕，此 Cupcake 套裝還會推出聖誕特別版，由 11 月 1 日至 12 月 26 日可預訂，而凡買任何一款 Hello Kitty 蛋糕或 Cupcake 套裝，均可以 $78 換購限量版 Hello Kitty X Maxim’s Cakes Tote Bag 乙個，現在灰色這個是彩虹版，12 月 2 日至 12 月 31 日就可以到換聖誕版喇，千萬不要錯過呀！
Post
