Video
Read full review
2015-11-24
1130 views
近期呢一間鋪可以話係人氣飆升，事關因為佢入選左米之蓮街頭小食嘅得奬名單。其實佢開業初期我就已經有光顧過，嗰時已經覺得非常之唔錯，近期見佢入選米之蓮咁把炮，所以就在返嚟呢一間鋪頭，去懷緬一下同埋呀去睇下佢係咪真係咁有料到。事關佢出咗名，又撞正午飯時間，舖入面有好多好多人，所以就算我只係一個人啊都要等幾分鐘先有位。一坐低我就落單，叫咗一份炸醬雲吞撈麵，不過可能因為佢實在太忙啦，我足足等左差不多15分鐘，先至有得食。等咗咁耐終於有得食，份量其實都幾大㗎 ，三隻雲吞＋都好多炸醬，個麵又多喎仲要陪埋個湯，先至賣緊＄36 ,所以我就覺得好抵食嘅。大份還大份，味道好啊先至係最實際嘅。老實講，我覺得佢好掂，首先講雲吞，蝦肉同豬肉嘅比例各佔一半，蝦肉揀得好好，都幾新鮮同埋真係有蝦嘅鮮甜味。另外豬肉嘅調味非常出眾，都偏向鹹味重少少嘅，但係唔會過量，好正好正。炸醬方面，保持一貫嘅高水準，小小偏甜，配合埋鹹味同肉本身嘅味，取得左一個好嘅平衡。到麵底方面，都算係彈牙，而且完全冇難食嘅鹼水味，烹調時間亦掌握得幾好，唔會話煮到淋哂。不過講到成餐嘅精華，我就覺得係配撈麵嘅嗰個湯，入邊嘅蔥白非常非常之香，湯底淆得好好，
近期呢一間鋪可以話係人氣飆升，事關因為佢入選左米之蓮街頭小食嘅得奬名單。其實佢開業初期我就已經有光顧過，嗰時已經覺得非常之唔錯，近期見佢入選米之蓮咁把炮，所以就在返嚟呢一間鋪頭，去懷緬一下同埋呀去睇下佢係咪真係咁有料到。
事關佢出咗名，又撞正午飯時間，舖入面有好多好多人，所以就算我只係一個人啊都要等幾分鐘先有位。一坐低我就落單，叫咗一份炸醬雲吞撈麵，不過可能因為佢實在太忙啦，我足足等左差不多15分鐘，先至有得食。
等咗咁耐終於有得食，份量其實都幾大㗎 ，三隻雲吞＋都好多炸醬，個麵又多喎仲要陪埋個湯，先至賣緊＄36 ,所以我就覺得好抵食嘅。
大份還大份，味道好啊先至係最實際嘅。老實講，我覺得佢好掂，首先講雲吞，蝦肉同豬肉嘅比例各佔一半，蝦肉揀得好好，都幾新鮮同埋真係有蝦嘅鮮甜味。另外豬肉嘅調味非常出眾，都偏向鹹味重少少嘅，但係唔會過量，好正好正。炸醬方面，保持一貫嘅高水準，小小偏甜，配合埋鹹味同肉本身嘅味，取得左一個好嘅平衡。到麵底方面，都算係彈牙，而且完全冇難食嘅鹼水味，烹調時間亦掌握得幾好，唔會話煮到淋哂。
不過講到成餐嘅精華，我就覺得係配撈麵嘅嗰個湯，入邊嘅蔥白非常非常之香，湯底淆得好好，表面上好清，但實在好濃味，不過就唔係會令到你好喉乾嘅嗰種，同埋應該落咗小小蝦子，所以個湯好鮮甜，令我大有驚喜。
另外係服務方面我要額外讚一讚老闆娘，因為舖頭出咗名，人氣高左自然多人嚟食，所以啲嘢食自然要等耐左，我眼見老闆娘不斷致歉同埋安撫食客，為大家要等咁耐而感到唔好意思，非常有禮貌而且非常謙虛，係百忙之中仍然同食客有講有笑，每個客人離開嘅時候，都會多謝佢同埋衷心咁希望客人下次會再嚟，呢一點，係好多而家連鎖嘅餐廳已經搵唔到架啦。
整體我成餐飯都食得好滿意，性價比高、質素好而且服務有禮，我一定會再返嚟。
Post
