咖啡弄 (Closed)

🔹HeyHei🔸長長人龍咖啡弄🔹台灣咖啡弄係香港開左幾年，依舊人龍不斷，無訂位至少等半個鐘以上，當初以果茶鬆餅等等輕食攻陷左香港人既心。咖喱牛腩配法包牛腩非常入味，肉質鬆軟而不爛，比我想像中辣，睇得出用左好多香料，非常香濃。配上薯仔同法包吸收曬D咖哩汁，好味而且飽肚，唯獨牛腩份量少得制。燻牛肉三文治 燻牛肉好香煙燻味，食落乾爽有少少似火腿味。配上蕃茄生菜等等十分健康，岩曬健康一族。草莓鬆餅 鬆餅外脆內軟熱辣辣，一定要趁熱食，我個人鐘意配雪糕一凍一熱，另外有類似蛋皇醬既物體，幾香不過我唔係好食蛋皇。士多啤莉都幾酸，上面有淋上糖漿中和一下，不過我都覺得過酸。Oreo脆片乳酪蛋糕 我其中一樣最鐘意既甜品，以oreo做主要材料，中間一大舊酸酸甜甜非常creamy既cheese cake，配上oreo好香濃異常地夾。新鮮冰果茶 每次黎到必點，用新鮮水果配上立頓既茶包，比個杯仔加一舊檸檬比你慢慢飲。茶味比較酸，不過酸得好過癮，不過近幾次食越黎越甜，飲完之後可以食埋D水果。Hei芝推介: 冰果茶，咖哩牛腩，oreo乳酪蛋糕