最掂燒味 (Closed)

平時食開燒味鋪，都係啲衛生同埋環境比較差嘅餐廳但呢度最掂燒味就主打高貴路線，光線光猛、座枱空間感大、乾淨企理黎最掂燒味食飯，當然要叫番最掂燒味雙拼飯要咗最掂叉燒、燒腩仔 叉燒好軟淋、外脆內軟燒腩仔嘅皮卜卜脆，但唔會硬身、肥瘦均勻 而另一特別之處就係，隨餐仲附送開胃小菜，有酸甜蘿蔔絲同青瓜係呢D細心位加曬分同行朋友就叫咗個梅菜扣肉飯 飯嘅份量同我個叉燒飯一樣都係超級多，女仔應該食唔曬梅菜扣肉用大飯碗盛載，滿滿的當中肥瘦當然唔會均勻喇，梅菜扣肉一定多膏先夠好味 鹵水醃得入味，而且脂肪係口中即溶，做到梅菜扣肉應有嘅神韻餐飲轉咗健康飲品有杞子六花茶 銀花雞骨草原來仲係自家牌子、自家工廠製造 望下營養標籤，發現係比較低糖，飲落真材實料