Video
Read full review
2013-07-25
1100 views
想嘆HIGH TEA但又想健康D, HERBIVORES即刻出現係腦海之中睇雜誌發現到E間係中環既素食店竟然推出TEA SET,仲要係$228+10%/2person好抵食,為食kok豬點可以唔行動係中環地鐵站行過去都要行一段路,15分鐘左右...Herbivores係一間小小既地鋪，入面得2張枱，客人全部都坐係果張好似開會既大長木枱，另一張細既好似係比d員工休息(唔知係因為果日唔係太多客所以比佢地坐定平時都係咁?!) 好彩果日計埋我地得3組客人，如果唔係同其他陌生人坐埋一齊食野都幾奇怪。。哈哈～仲會聽到附近ｄ人講野 好彩有ｄ好好聽好有feel既外語歌聽下♥入面既裝潢主要用木，感覺好愜意^^~牆上面有幾塊menu,每塊既字都係人手寫上去,唔係印嫁感覺到店主既心意!!呀！！如果大家想食high tea，記得要係當日12點前book呀☆☆☆我地對面枱既２個女仔黎到想嗌都嗌唔到，可能準備需時掛？上左野飲先，選擇比較少，得咖啡汽水同茉莉花茶，就算想加錢轉其他野飲都唔得。。。叫左熱咖啡同茉莉花茶，好失望._."茉莉花茶唔似平時high tea咁比埋個茶壺你,只係比一杯,飲落都係平時茶包果d,但最
想嘆HIGH TEA但又想健康D, HERBIVORES即刻出現係腦海之中
睇雜誌發現到E間係中環既素食店竟然推出TEA SET,仲要係$228+10%/2person好抵食,為食kok豬點可以唔行動
係中環地鐵站行過去都要行一段路,15分鐘左右...
Herbivores係一間小小既地鋪，入面得2張枱，客人全部都坐係果張好似開會既大長木枱，另一張細既好似係比d員工休息(唔知係因為果日唔係太多客所以比佢地坐定平時都係咁?!) 好彩果日計埋我地得3組客人，如果唔係同其他陌生人坐埋一齊食野都幾奇怪。。哈哈～仲會聽到附近ｄ人講野 好彩有ｄ好好聽好有feel既外語歌聽下♥入面既裝潢主要用木，感覺好愜意^^~牆上面有幾塊menu,每塊既字都係人手寫上去,唔係印嫁
感覺到店主既心意!!呀！！如果大家想食high tea，記得要係當日12點前book呀☆☆☆我地對面枱既２個女仔黎到想嗌都嗌唔到，可能準備需時掛？
上左野飲先，選擇比較少，得咖啡汽水同茉莉花茶，就算想加錢轉其他野飲都唔得。。。
叫左熱咖啡同茉莉花茶，好失望._."茉莉花茶唔似平時high tea咁比埋個茶壺你,只係比一杯,飲落都係平時茶包果d,但最衰都係一杯上個茶好快會凍晒 咖啡都...無味的....飲品咁差，唔知食物會點呢？
Herbivores既high tea唔似平時常見放係3層架上,而係分2隻長碟張,一隻咸點一隻甜點~個high tea色彩繽紛,賣相已經拎9分♥kokkokkok,忍唔住啦~食左咸點先＊露筍卷=10★
嘩嘩嘩，食一啖已經回味無窮，從來唔知露筍同麵包可以咁夾ｘＰ露筍勁翠綠，食落同睇上去一樣咁新鮮！個包仲搽左d合松露蛋黃醬♥，好香好味道 ！！＊鹽燒冬菇=9★
都係誇啦啦咁好味XP燒冬菇不嬲都唔會差，但佢真係燒得岩岩好，香得黎又保住d汁好juicy,上面仲灑左d 7味粉提升層次＊牛油果蕃茄三文治=6★食落酸酸地感覺有d奇怪,牛油果既味都比蕃茄遮蓋晒~不過抵讚既係三文治係由烘到脆卜卜既麥包整嫁♥
＊粟米餐湯＝8★細細杯岩晒，勁足料，每一啖都成日粟米嫁 仲落左d紅蘿蔔,令成個湯都好清甜
好，轉碟～～＞甜品時間
＊芒果撻＝8★
個撻皮好薄,勁香牛油味！芒果下面白色果d食落去唔濟,我諗應該係唔係cream黎嫁（唔通係yogurt?!）~~~yummy!食晒d "cream"都唔會有罪疚感..哈哈哈~~＊迷你牛油蛋糕＝6.5★外層烤過脆脆地，不過食落甜左少少～
＊creme caramel=3★
黑炆炆一粒唔知咩黎..本身以為係朱古力但食落又唔似，口感煙un,有d似麻糬波波，不過味道奇奇怪怪，唔係好食到焦糖味。。＊Scone配自家製莓果醬=7.5★
個鬆餅外層又係好脆嫁！哈哈～咁就已經有得加分啦！不過入面略為鬆左少少...d莓果醬應該係由雜莓整成嫁,同鬆餅真係好match＊焦糖布甸＝9★滑嘟嘟yummy>3<篤個lon比下面d焦糖流番出黎一齊食，正呀 焦糖果種燶燶地既味調低番布甸既甜味^0^
由於餐飲太唔吸引，最後仲加左杯yellow submarine ($58+10%)8★
由mango,coconut & yakurt整成，酸酸地好開胃，最重要係唔會好重益力多味～～～Overall: 時限(3-5pm)&無得"ai"既櫈+長枱令人覺得似黎食野多於嘆high tea^^"不過好彩佢既野食真係好有水準！特別係d咸點真係無得頂♥有機會一定會再黎試下tea set以外既其他dishes我見對面枱order果d既賣相都好吸引!!
Post
