校長燒肉日韓料理 (大埔廣場)

Open Now

Now Closed

大家好！我係好鍾意去旅行既艾文！最近校長燒肉出左個$88任食下午茶，1:45PM 開始，可以食足3個鐘，今日請左半日假整銀行野，整完就同旅伴去食放題下午茶！首先帶大家睇睇個環境同有咩食有咩飲，其實同之前午餐時段唔太大分別 (火鍋要加$10，剌身要加$40)艾文食後感，餐前小食又熱又脆，烤肉前吃少少唔錯主菜烤肉，豬、牛、雞、魚，肉質同上次一樣相當唔錯，韓式醃料既豬肉、牛肉、雞肉都有少少辣過頭，其他則好靠個醬料，不過醬料自己按喜好調味，豉油、麻油、蔥、蒜、芫茜任攞，而艾文呢就都係鍾意食胡麻醬配肥牛！今次試左碗仔翅，不過就一般般今次壽司有火灸，係真係好食左！另外上次冇食到雪糕，旅伴見人地喺雲尼拿雪糕上面加糖水配料，照辦煮碗咁整又真係好好食！埋單HK$88加10%服務費，一人HK$97，咁既價錢可以任飲任食真係超級抵 (自費非廣告)今日星期五唔太多人，可能未係好多人知，祝校長燒肉成功反攻深圳！