El Cerdo (大壩街) (Closed)

今次唔使去尖沙咀都可以食到西班牙餐。餐廳環境唔錯，坐得舒服，又有啲裝飾，同朋友聚餐，拍拖嘅話，我會選擇呢間餐廳。我哋一行四人就嗌咗呢啲嘢食炸黑毛豬火腿球外脆內軟，我覺得係一款必點嘅小食鮮蕃茄蓉焗法包呢個做開胃小菜非常之好，好清新，好開胃，唔錯脆皮豬腩肉配蜂蜜蛋黃醬佢個脆豬腩肉我就覺得有啲似燒肉，豬肉皮係脆卜卜嘅，如果鍾意食燒肉嘅話就可以點呢樣。西班牙海鮮炒飯性價比非常之高，好好味。盛碟飯都好多海鮮，而且有蕃茄同檸檬調味，鹹鹹酸酸咁幾開胃又幾好味。鐵板燒蒜蓉辣椒炒大蝦佢算係幾濃味，但係就略嫌有啲太鹹。另外，呢一碟餸有幾塊多士可以點蝦汁。如果冇咁鹹就會好啲。傳統墨魚汁大蝦炒幼麵呢個麵又幾有驚喜，可能本身自己鍾意食墨魚汁嘅嘢，食到成口都黑鼆鼆好鬼過癮，加上佢個汁好好味，所以食咗好多呢碟嘢。