La Terrazza Bar & Grill (Closed)

Easter黎呢度同媽咪食個lunch。服務，環境，食物都滿意 我地一點半到，咁岩唔需要等位，一去到就有張靠窗既二人檯點左兩個lunch set。 因為想食豬手，所以特登點多一個light d 既。最後點左一個豬手同一個沙律set。先黎一個餐包同蘋果茶餐包點黑醋加Olive oil 係我至愛餐包熱上我覺得係基本，但好多餐廳都未必做到雜果大蝦沙律 $98望到都覺得好開胃，加上天氣好好，好滿足呀! 好~大碟~我諗我食佢真係可以飽!!有少少芒果汁淋喺面，生果有西瓜密瓜芒果士多啤梨，加埋生菜，好fresh!德國豬手 $238我預左我同媽咪兩個人食唔哂要打包媽咪讚好!!皮好脆!肉好好味。不過坐正冷氣位，佢一開始凍我地就停哂手。因為凍左就冇咁好食…食完出去平台望左陣城門河就撇嚕…服務態度係OK 既，雖然我問佢要杯水到最後都冇黎到。