Holy Crab Bar and Restaurant (Closed)

水準就是這樣？！雖然今餐有人請, 但都覺得唔值架嘛!龍蝦湯 – 唔好話暖呀, 直頭係近乎室溫咁滯, 味道唔算特別好, 可能佢寫係凍湯會好d, 上面件crab puff實心嘅, 食落去又硬又實, 一d都唔酥脆！Lobster mac and cheese –蟹肉同龍蝦肉碎加埋creamy醬汁味道OK (其實都夾雜咗一兩塊殼, 明白在所難免嘅), 但芝士味唔算好濃, 唔多夠香, 通粉軟硬適中, 如果能夠放入焗爐再焗令面層芝士香脆就更加好啦.飲品揀咗homemade lemonade, 眼見其他人全部都用大杯, 唔知點解唯獨我哋呢枱係細杯D嘅, 可能唔夠杯呱, 都唔考究啦! 味道頗為酸咗D, 但未至於酸到”拿”喉嘅, 不過不失.甜品係焦糖布甸, 微凍, 質感好實吓, 個人唔太欣賞. 唔知係咪店員知道我哋奇怪飲品大小問題呢, 埋咗單隊多個甜品埋嚟話係經理送嘅, 呢個甜品絕非加分之作, 賣相似乎係芝士蛋糕, 但食唔到芝士味, 餅底又腍又濕濕哋, 蛋糕味道有D奇怪.好彩佢哋有promotion, 打電話訂位可有9折, 即係免加一啦, 唔駛咁蝕!! $168 絕對可以有更好選擇!!