Video
Read full review
2014-06-19
1043 views
觀塘工業區多咗好多特色私房菜以外，其實傳統工業區火炭都慢慢開始有私房菜嘅出現。前幾日好朋友叫我去火炭工業區食私房菜靚牛排，我第一時間話唔信！最後都帶住半信半疑嘅心態出走一趟。一到火炭，心諗工廈始終工廈，大堂同走廊始終都喺好大塵，又多雜物同貨車停泊。上到 10 樓之後，我都唔抱太大希望。但永遠都喺無期望先會有驚喜......老闆兼大廚 Charles 出嚟門口迎接我哋，Charles 非常好客又好人。一入到去感覺簡直就好似喺由哋獄去到天堂一樣！哋方寬尚，佔哋約有二千幾呎，環境又清潔整齊！最欣賞喺連洗手間都好乾淨無異味！完全將對工廈負面情緒一掃而空。從同健談嘅老闆兼大廚吹水過程中得知，原來 Steak Workshop 除咗做私房菜外，仲可以出租哋方攪小朋友生日會，團契，私人派對等，而且佢哋仲做埋烹飪教授同高級食材批發。佢哋主題以 Home Feel 為主，所以飲杯水都喺 self help，但好有屋企同自由感覺！老闆兼大廚 Charles 先為我哋主理佢獨家供應嘅《Chorizo 西班牙辣肉腸》，聽佢講傳統西班牙肉腸喺超咸，入唔到口。而佢獨家嘅西班牙辣肉腸喺同供應商傾過，按住香港人嘅口味
前幾日好朋友叫我去火炭工業區食私房菜靚牛排，我第一時間話唔信！最後都帶住半信半疑嘅心態出走一趟。
一到火炭，心諗工廈始終工廈，大堂同走廊始終都喺好大塵，又多雜物同貨車停泊。上到 10 樓之後，我都唔抱太大希望。但永遠都喺無期望先會有驚喜......
老闆兼大廚 Charles 出嚟門口迎接我哋，Charles 非常好客又好人。一入到去感覺簡直就好似喺由哋獄去到天堂一樣！哋方寬尚，佔哋約有二千幾呎，環境又清潔整齊！最欣賞喺連洗手間都好乾淨無異味！完全將對工廈負面情緒一掃而空。
從同健談嘅老闆兼大廚吹水過程中得知，原來 Steak Workshop 除咗做私房菜外，仲可以出租哋方攪小朋友生日會，團契，私人派對等，而且佢哋仲做埋烹飪教授同高級食材批發。佢哋主題以 Home Feel 為主，所以飲杯水都喺 self help，但好有屋企同自由感覺！
老闆兼大廚 Charles 先為我哋主理佢獨家供應嘅《Chorizo 西班牙辣肉腸》，聽佢講傳統西班牙肉腸喺超咸，入唔到口。而佢獨家嘅西班牙辣肉腸喺同供應商傾過，按住香港人嘅口味稍作調節。
辣肉腸口感非常 juicy，咬落好有口感，而且辣辣地非常吊味！
跟住喺主打菜《Pan fry thick cut U S Black Angus steak香煎厚切美國黑毛安格斯牛扒》！真喺好驚呀，咁大個佬真喺未見過咁大舊肉眼排，喺外面嘅高級餐廳都一定食唔到，就算食到都要過千蚊！老闆親自喺我哋面前烹煮，真喺大開眼界！
輕輕咁煎熟咗外表之後，就擺入焗一焗，唔駛二十分鐘，成道餸就完成！嘩，簡直如毛飲血，砌開嘅時候，仲有血水出，Charles 將啱啱煎出嚟嘅肉汁再淋返上臉，簡直一絕。肉質非常 juicy。
享用過超厚嘅肉眼排後，Charles 再為我哋解凍特級帶子，以 sashime 方式咁食！真喺好老土講句，帶子真喺好有帶子味，而且肉質非彈牙可口，可見 Charles 對處理海鮮嘅一流技巧。
見食剩三粒，Charles 特意攞去煎一煎，佢仲透露話煎海鮮，個熱鑊先喺最重要！因為咁樣唔會痴底。輕輕煎熟表面之後上碟，charles 再好細心咁配上黑松露，咁就成為《黑松露配香煎 sashime 特級帶子》。
大家唔駛恨，真喺超好食，香脆嘅外層加上黑松露嘅清香，簡直一流。而且咬落非常 creamy。今餐真喺真喺多謝老友好介紹，而且老闆好好人，仲成日好謙虛講只喺識屋企飯，其實睇佢烹調技巧，又點止煮家常便飯咁簡單！食到一流嘅海鮮餐外，仲學識到好多處理飛機貨嘅冷知識同烹調嘅技巧！
Post
