十二味麻辣三兄弟 (Closed)

有個朋友外國黎港，話好想食辣野，又話要挑戰我，仲揚言自己食開墨西哥辣椒，好勁咁，話四川菜佢家鄉都有......所以我地一於黎個火辣辣孖潤財腸比拼，睇下邊個先係皇者。今次選擇左彌敦道既十二味麻辣三兄弟黎開我地既chili party。成日諗點解叫十二味，唔係十八仲好意頭？好學既我當然尋根究底，先發現原來十二味意思係指佢用既12款香料，桂皮、丁香、、山奈、紅辣椒、八角、香果、茴香、香葉、花椒、肉蔻、草果、燈籠椒。由於係中藥香料，所以會中和番d熱氣而且教滋補呢！係一個豆腐涼菜，凍滑既sur一下直滑喉嚨，辣味不多，但紅油好香！小龍蝦係內地就成日前見，不過內地就怕街邊污漕，所以一路都無食過，今次終於有機會所以特別興奮。小龍蝦用d香料辣油浸煮過，吸曬麻辣香味，肉大小就好似蝦肉咁，較甜同彈牙。自選配料香辣鍋，朋友話要中辣，點知鬼佬真鬼佬，完全失敗，食到嘴脣紅紅的，佢話呢個兒係正宗四川麻辣，甘拜下風。我地點既配料都好好，薯粉煙癮索味、炸蝦鮮爽、荀爽甜、茶樹菇超香既菌味，同一貫辣野一樣，愈辣愈想食，愈食愈火熱。所以叫左呢個桂花冰釀解解辣，奶奶色既米酒，酒味不濃，佈滿桂花香，飲落清新微甜，好舒服！Toni