星海薈﹒譽宴

Open Now

Now Closed

朋友準備飛，大家farewell聚一聚，搵間酒店中菜慢慢食慢慢傾，沙田石門萬怡酒店《星海薈》是一個好選擇。店內環境好舒適，靠窗玻璃自成一角，燈飾設計好啱大家打卡，舞台夠闊，好適合婚宴party......川貝鱷魚肉燉花膠湯~勁多材料嘅一個燉湯， 川貝鱷魚肉滋補潤肺， 花膠就一定係骨膠原養顏啦，甜甜地真係唔錯。鐵板白胡椒煎焗澳洲龍蝦~鐵板菜式，上菜時先淋上汁，熱辣辣香噴噴，聞落胡椒味道香濃，食落都有少少辣，師傅做得唔錯，件件龍蝦啖啖肉，爽口彈牙。新出品嘅沙薑雞賣曬，試過特惠孖寶都抵食，蒜蓉粉絲蒸元貝(四隻)~大大隻元貝，蒸嘅火喉啱啱好，粉絲索曬啲汁，正！脆皮炸子雞(半隻)~炸子雞都做得唔錯，皮脆肉香。啫啫蝦乾唐生菜煲~份量都幾大，炒香嘅蝦乾非常可口，唐生菜掛滿美味嘅醬汁。揸車嘅朋友可以泊喺酒店，酒樓提供免費泊車。