生記茶餐廳 (Closed)

話說朋友請我食飯慶祝我生日﹐ 原本朋友提議去品香樓﹐ 但係因為之前一日先同另一位朋友食完類似既野﹐ 所以諗下諗下﹐ 朋友又中意食蟹﹐ 於是就黎左呢度喇~預早訂位﹐ 一到達就有位~ 兩個人﹐ 當然食既野唔多。 朋友想食烏冬﹐ 又想食蜆﹐ 再加上我地二人都唔食辣﹐ 理成章點了清湯膏蟹大蜆烏冬。見KC話八爪魚丸好味﹐ 當然黎一客﹐ 再加朋友想食的豆腐和炒菜。一定夠食~先上檯是炸豆腐。炸豆腐外皮唔厚﹐ 外脆內滑﹐ 的確唔錯~之後主角清湯膏蟹大蜆烏冬。膏蟹大而多肉﹐ 煮烏冬後仍有膏晌蟹身。而蜆雖然大小不一﹐ 但新鮮無沙彈牙。清湯有不錯的蟹和蜆的鮮甜味。呢個相當高分。可惜二人胃納有限﹐ 否則黎個蟹粥﹐ 蟹膏溶入粥底﹐ 相信會好滋味~之後八爪魚丸上場。八爪魚丸內有實實在在的八爪魚穌~既彈牙又可口﹐ 果然是名物。而炒菜心鑊氣夠﹐ 菜心亦靚。環境方面﹐ 地方﹐ 廁所都乾淨﹐ 不過廁所狹窄非常。服務有禮﹐ 不過有點混亂。有客人預定了蟹而沒有足夠的蟹奉客。亦有客人等位時"去買氣水"﹐ 而老闆娘叫了數次沒回應後給了位置下一位人客的情況出現。既然生意好﹐ 建議多預備些蟹﹐ 好過連牌名菜在九時不足沽清而失去客人及