生記茶餐廳 (Closed)

呢間蟹粥响红磡好红都幾出名，好多電台報章訪問過，係一間開左好多年嘅人情味的小店，專食蟹粥，蟹為主的菜式。近排再去吃蟹粥知道佢地比業主收舖12月中冇得再做，覺得有点可惜，鐘意食呢道D蟹粥嘅你快把握機會再品嚐一下，支持一下地道特色小店，呢D店舖係香港可以係巳經冇幾多間！今日5点幾去到不用等位，事隔咁多年間店冇咩點變，冇電惱入單，冇得食裝修，樣樣全人手，但食物水準依然咁好，重有果份老店才有的人情味!其實而家有何文田及黄埔地鐵站過黎呢度吃都好方便

一行12人，良朋共聚，友善的老闆雷生，讓我們包場。年輕人都飢腸轆轆，當首屈一指，享負盛名的膏蟹粥率先登場，正宗奄仔蟹在砂煲中滾動，年輕的朋友們的口腔的涎液也在口腔中翻滾，配上即炸的蠔仔春卷、酥炸墨魚咀、炸八爪魚丸、炸白飯魚仔，一眾朋友不消一刻，桌上所有菜餚都光盤了，大部分都未能拍下，已落入各人的五臟廟裡。大家意猶未盡，又拿起餐牌點菜，菜牌中的美食數之不盡，縱然我們有12人，也未能盡試，第二輪我們嘗了膏蟹大碗麵，和式的巨型湯碗，爽口彈牙的麵條，微辣的蟹湯，令人食指大動。人多好辦事，價錢便」廉宜，學生哥們無拘無束又點起豉油王炒麵、蠔仔水晶粉卷、酥炸白飯魚、炸八爪魚丸，老闆又再為我們預備，櫃檯雷太親切友善，令人賓至如歸，像回家用膳。 餸菜賣相吸引，味道媲美酒店美食，價錢卻十分親民，價廉物美，實至名歸！小店食品種類繁多，叫人心悅誠服，中、日、泰都雲集，最後來了四客擂沙湯丸，各人才盡興而歸。 美食+熱情款待=期待下次再來還有很多美食未能嘗盡！ 感謝老闆雷生為如訴茹素的朋友特製素菜水間粉券，令她也能一嘗水晶粉卷的滋味。 這就

呢幾晚天氣好凍好寒，想食個食生滾粥暖下胃。上網搵到唔少粥底火鍋，睇完好想食海鮮粥，就揀左紅磡巷仔入面既呢間生記試下。牆上唔少媒體報道佢既招牌蟹粥，於是貪心地叫左個雙拼蟹+蜆粥。奄仔蟹size唔算好大，但爆晒黃膏，撈落d粥食勁正！蜆食得出新鮮冇沙，份量仲超多，兩樣海鮮已經足以令個粥好鮮甜～老闆娘亦推介左個蠔仔水晶粉卷，水晶皮薄身，夾起時比較易穿。一穿左少少就發現，原來入面包左滿滿既蠔仔，蠔仔洗得幾乾淨同冇腥味，粉包連埋少少芫茜食落好香好好味。呢度仲有唔少即炸香口小食，份量細細地，方便可以試多幾款，送酒一流。揀左個鹽酥墨魚咀，炸粉上得岩岩好，而且入面既墨魚咀好大粒，食落唔會得層炸粉。估唔到呢間小店唔錯幾好食，店入面仲有隻好嗲人既貓咪，難怪老闆娘講笑話好多客食完都會回頭(為左見隻貓😆)

千祈千祈千祈唔好去！去一次🥴後悔一世😵難得放假去紅磡附近 落樓下求其搵啲野食 見間野冇乜人諗住求其醫飽個肚 入到去兩個店員已經西口西臉 好唔耐煩咁催我地落單 餐牌又唔俾 態度已經好惡劣🤯心諗入得黎係幫襯唔係黎受氣姐🤷🏽‍♀️同枱3名友人都O左咀野食黎到完全唔想放入口 衛生差到不堪 啲碗邊痴住上手食剩既飯 筷子又俾嗚英圍住🤮忍唔住開口同個店員講 個白髮老人(似係老闆）仲要開口鬧我地多要求😠💥重點💥臨走仲要見住兩住老鼠喺廚房跑出黎 嚇到我個朋友叫左出黎 先唔理啲食物味道如何 冇人會想喺咁既環境食野囉唔怕死就去試🤢

好蟹年前食過一次覺得呢間餐廳性價比好高，想再返嚟呢間餐廳食好耐，但位置始終有啲隔涉，真係要好有心專登約先有得食。今次咁啱係黃埔收工，朋友又唔介紹尖東過嚟食，所以又可以食呢間啦第一次食呢間蟹粥，粥夠綿幾好食。因為唔係膏蟹當做季節，所以唔多膏，但好彩都有蟹嘅鮮甜味。因為以前我食過呢度嘅籠仔膏蟹蒸飯，我個人推薦蒸飯多過粥🤭海鮮新唔新鮮，清蒸一食就知！而呢度嘅貨係唔錯嘅，鮮甜帶蒜香，而且無沙呢個墨魚咀只靠椒鹽，否則就無乜味，同埋外層炸漿都啲厚，可以skip嘅一道餸。雞皮可以燒得再乾身啲會更好味成晚最推介嘅一道餸！茄子蒸嘅火候掌握得幾好，唔會蒸到老晒或唔夠熟。切到一口就食到好方便，最正係茄子點上醬汁上蒜蒸，好惹味呀《小總結》小店人情味濃，老闆好好人會同你分享趣事。食物價錢無乜點加價，味道有水準，性價比極高！係一間可以經常encore嘅食肆。

冬天來了，香港呢幾日有點涼意。喺Google搵到呢間生記茶餐廳，近排愛上左食蟹粥，加上天氣又有啲凍，食返碗熱辣辣嘅蟹粥暖下個身就啱晒啦。佢嘅招牌蟹粥，真係冇得頂，勁鮮甜，我哋叫咗蟹加顯肉嘅組合，178蚊4個人食，每人食到一碗半。仲有嗰個炸八爪魚丸，好抵食好好食😋，隔離枱見到我哋嗌呢個八爪魚丸都即刻問夥計呢個係咩黎嘅，然後加單，帶旺左佢哋嘅生意啊哈哈。響鈴蝦膠，又係睇網友介紹，個個都話好食，到最後都係不負眾望如果要彈嘅就係舊蝦膠太細夠吧 生菜係用生蒜，正呀。我最鍾意生蒜乜蒜物蒜！蜆肉春卷不過不失，冇乜嘢要評論。至於服務態度好好，樓面有個嬸嬸，有禮貌加分仲有隻好似靚寶嘅黑貓我哋嗌左咁多樣嘢，4人除翻開都係114.5😙哎呀，望番啲嘢食相而家又肚餓啦！！以上都係我嘅真心評論冇收錢㗎

這晚到訪紅磡的大酒店（即殯儀館，香港人俗稱），事畢，拐了個彎，往紅磡舊區街角食粥。對，又吃粥，但今晚比較特別，吃一種廣東很流行的做法，“蟹粥”！我們點了一鍋小的蟹粥，還點了豉油王炒麵。溫馨提示：吃蟹粥，絕對不是三五知己，聊天聚舊的好活動，試想，嘴一邊跟蟹搏鬥，又怎能與人閒聊，否則後果自負！是晚，我與港媽幾乎零交流，原因很簡單，這隻蟹很新鮮，蟹膏於粥內飄浮，單看，已忍不住，沒時間談心！要挑剔的，就是蟹身的黑色髒物沒徹底清洗乾淨，賣相扣了點分，但幸好沒影响味道。那豉油王炒麵看似很簡單，但其實也炒得很有鑊氣，味道很好，簡單的幾條銀芽蔥段，增香不少，沒有花巧，只有工架，不錯！我還記得大酒店的朋友也很喜歡吃粥，老友，一路好走！

快快樂樂的豪飲過了上半個夜晚！下半個夜晚梗係再去食消夜啦！食咩蟹粥好唔好？ 一衆好友由占占帶隊到生記茶餐廳吃蟹粥，老店絕無靚裝環境亦不舒適，但勝在夠地道又抵吃嘛！ 還有黑貓店長坐陣四蹄踏雪非泛泛之輩耶！牠完全不怕陌生人更可抱上身親近太可愛了吧！ 入回正題來這兒必吃鎮店名物生滾粥！我們選了生滾鴛鴦蟹+蜆粥＄208/特窩份量足夠6人分享，即叫即煲熱騰騰的以瓦煲上檯很夠風味呢！  粥底質感綿滑米粒豐富，內裡有一大隻肉蟹和為數不少的鮮蜆，令整煲粥也充滿鮮氣！！ 另外點了數款小食一同分享！有煙韌的蠔仔水晶粉卷＄58，晶瑩的水晶粉卷內是肥美的蠔仔，沒帶上腥味但亦不夠鮮味！！  這客即叫即炸的自家製蝦膠嚮玲卷＄48，炸得一點也不油膩內裡蝦膠不會太多口感很鬆脆。  另一客是自家製蜆肉春卷＄29，真的第一次吃蜆肉餡的春卷，吃下沒肉那麼膩還多了一份鮮味。  來多碟惹味的蒜蓉蒸茄子＄38簡單的家常菜最討好！！  有黑洞車爸爸在單尾怎也要來點粉麵和飯才能滿足到他！這碟豉油皇炒麵＄38就深得大家歡心，香氣撲鼻之餘又夠乾身入味沾上辣椒醬吃很有兒時吃過的味道！ 最後還點上籠仔

上次黎得太夜，粥賣完，只可以食蟹湯飯，好彩無失望，都好味，所以決定下次一定要試蟹粥，今次終於有機會啦！這裡的菜式比較多海鮮，但價格又平，性價比絕對高。 雖然環境舊舊的，地點又偏僻，周圍有好多‘大酒店’，但都很多人黎食！.🔸「生滾膏蟹粥」🔸點了兩人份，粥裡有一只蟹，分量算是很足，粥大概有4-5碗，有海鮮的鮮甜味，好味！.🔸「豉油王炒麵」🔸可能炒的有點過火，有燶味，影響了味道！.🔸「蜆肉炸春卷」🔸炸得好脆，餡無特別，食不出有蜆肉，味道跟平常食的春卷分別不大，是好食的！.個人覺得蟹湯飯比蟹粥好食，下次會再黎！

呢間餐廳日頭係茶記，夜晚搖身一變變成以鮮甜蟹粥做主打嘅海鮮小店😍😍😍 瓦煲生滾蟹粥即叫即滾，粥底軟綿綿，鮮甜美味，絕對係必食推介!!! 配埋店內嘅豉油王炒麵一齊食絕對係perfect match~~~ 😋😋😋籠仔鮮蟹蒸飯蒸到入曬味，除咗海鮮嘅鮮味，仲有荷葉嘅香味添!! 👍🏻👍🏻👍🏻泰式炒蜆酸酸辣辣幾惹味，蜆肉肥美又冇沙，唔錯唔錯~~~另外誠意推介即叫即炸嘅蝦膠響鈴、雞軟骨、椒鹽白飯魚，同埋蜜糖雞翼!!! 😋

今次不用提早訂的生滾蟹粥，記得如果不食蔥花芫荽和意思要預先和老闆娘說清楚，因為鋪面其實得老闆娘一人，她還會跟你說只可以點一次餐，我諗都係要睇下個日忙唔忙呀！心情好不好！不過真係幾好味呀！好鮮味！粥又棉棉的！椒鹽白飯魚得好少，下面全是生菜。我地未食曬時，看見老闆娘係到收緊相似既碗，我地諗係咪生菜會反用。但我地每次都會把生菜放埋落剩餘的粥裹。聽到有蒸茄子，我們就立刻點了。他們的蒸茄子十分入味，充滿蒜香。生炸蠔仔春卷，新鮮熱辣，粒粒蠔仔都肥肥的。是香脆，但不是太可口，如果有上華鹽就好粥。蠔仔蒸腸粉，腸粉夠簿有少少透明的。份面粒粒蠔仔都肥美唔腥，加少少豉油食就可以了。傳統擂沙湯圓是綠豆粉，而不是花生。不過我很喜歡入面是芝麻。

係不知情情況下俾朋友帶左黎呢間茶餐廳係大酒店附近 門口望落去有d殘舊 絕對係睇唔出原來呢度係食海鮮lol今晚菜是朋友發的板首先黎既係蠔仔水晶卷就甘望外面都見到有好多隻蠔仔！絕對滿足到鐘意食蠔既你 蠔仔size都ok 而且食到鮮味 配埋芫茜不過水晶皮就一夾就爛 d蠔跌出來 但甘既價錢性價比很高見到粒粒蠔仔。呢個蜜糖雞翼炸得好脆！十分香口 面頭有芝麻 蜜糖略嫌少左d 太鐘意食甜 lol 之後就到呢個蜆飯了竹籠荷葉上 雖然無乜荷葉味 但個包裝都夠矖誠意 飯有蒜味 加上蜆既汁 小小濕潤又清甜 d飯清曬 至於d蜆就都還好 間中有沙 最後來個白飯魚 胡椒粉太多 淨係食到胡椒粉味 但係就做到入口即溶 。呢度門面一定唔係靚果d 位置有d隔攝而且係大酒店附近 如果唔係有人帶都唔知呢間野 但食平價海鮮都不失為一個選擇 而且菜式都有d創意(至少我未食過😂)

和朋友吃生記, 那時遇著毛毛細雨, 配上陰涼的晚風, 以及附近”大酒店”的氣氛, 感覺也蠻有格調的, 特別是當週圍的店家已經打烊, 但生記的廣告燈牌還是很刺眼的時候.除了蟹類美食外, 這裡的小菜也出色, 但....這不是一般茶餐廳能做到吧! 蠔仔粉卷的蠔仔和外層的粉皮很滑, 差點有滑入我的喉嚨裡, 比起煎蠔烙, 少了其香口但多了一種原汁原味. 蒸茄子用了最基本的豉油和蒜蓉, 吸了這兩者的茄子不是如釀茄子般多油, 茄子本身就像海棉, 吸汁力強, 也很易軟糊起來, 但這裡的除了吸了簡單的咸香味, 口感比一般吃的硬.很多澳門的水蟹粥是為了吸引遊客, 樣子比味道重要; 這裡的當然是為老饕而設設, 外表平凡, 價格入門, 但蟹羔和粥融為一體的程度, 令我感到幸福. 另外的蟹麵外表上也吸引, 龍蝦伊麵聽得多, 這個我倒是第一次試, 湯底很清, 但也許蟹粥蟹味太豐盈, 蓋過了這麵的美味.不知怎的, 以粥作晩餐的晩上特別睡得好, 這不只是腸胃的Comfort Food, 也許是我作息上的Comfort Food就是.

蟹＋蠔仔粥鮮甜美味，蟹爆膏，蠔仔唔會過火，大大隻蒜蓉蒸茄子比較普通，蒜蓉唔夠多，甜豉油味既茄子，蒜蓉少到無味香辣多春魚大大條夠多春，仲將每條魚一分為二，方便食用，小小辣夠香口，配上啤酒真係一流醬燒螺頭同雞腎個醬太甜，螺頭同雞腎睇落好鬼似，唔講真係分唔到，螺頭太淋，加上比個好甜既醬汁搶哂味，再去唔會選擇佢，反而雞腎本身係穩陣派，本身齌燒都好味，佢炸粉太多，感覺好累贅，不過飲酒當小食係唔錯配搭良心小店，價錢優惠，地方唔算太大，老闆娘親切有禮

冬天濕冷加上今天下雨，於是決定要去生記茶餐廳吃熱辣辣的蟹粥保暖。這裡的招牌菜是蟹粥，但見餐牌原來還有籠仔蒸蟹飯、蟹麵可以選擇，不一定要粥底。不過第一次試當然試蟹粥，點了一至二人量的細蟹粥，用上一隻蟹，蟹非常新鮮，蟹膏都溶化在粥底了成淡黃色，非常鮮味。除了蟹，亦可以另加其他海鮮，好似有蜆、蠔仔、豬潤等。除了蟹粥，我們還點了椒鹽九肚魚、蠔仔春卷和蒜蓉生菜。九肚魚炸得外脆內軟。至於蠔仔春卷非常少見，春卷皮脆，包著飽滿的蠔仔，啖啖蠔肉。我們是假日去的，餐廳6時多已經坐們了人，每枱都有點蟹粥，值得推介。