時新快餐店 (Closed)

首先，冇諗到成日聽到嘅時新，原來就喺呢度。以前碼頭仲係連住火車站時，我經常都會嚟呢頭，亦冇留意到呢間快餐店有乜咁特別。既然喺自己社區，當然要踩一踩場。去到食咗兩個包一隻雞髀，因為份量都比較細。由於出貨快，啲肉係即燒，當然好味。個人認為加沙律醬味道最好。雞髀炸得好正。舊式快餐店最拿手，硬係覺得去大家樂、大快活、美心食唔到咁正。不過就多毛啲。唯一最唔掂就係杯凍奶茶，得個甜字。下次都係叫汽水算。老實講，唔係真係咁值得講到咁勁，個人認為只能用抵食嚟形容。不過都會再幫襯，因為咁嘅價錢，好過走去食麥當勞。