Are U Labeler

Open Now

Now Closed

平日經過何文田，都發現嗰個位置有好幾間Cafe，今次同朋友就揀咗are u labeller ，因為個店名好有趣，同埋裝修得比其他有心機。同朋友各自叫咗一個主食同小食。令我特別印象深刻嘅係朋友嗰個泰陰功risotto（$108）入面有好多海鮮例如帶子、魷魚、蝦等等。味道酸酸辣辣，真係好有冬陰功嘅風味，不過我唔食得辣就覺得有啲太辣，如果酸味重返啲，我諗唔食得辣嘅人都可以食晒成碟，而我朋友食得辣佢就覺得非常惹味。另外就係小食，雙重芝士雞翼（$58），兩種芝士味加埋令到味道非常濃郁，芝士都落得好足夠，每一隻雞翼都有好多芝士係上面，仲可以拉絲。我諗可能仲加咗少少沙律醬，芝士嘅鹹味加埋沙律醬嘅甜酸味非常夾，雞翼都仲有啲肉汁，唔會太老。不過食完我都唔明白點解店名叫are you labeller。