Video
Read full review
2017-03-29
2106 views
今晚同老公慶祝佢見工成功，去食返餐好嘢！我個妹提議我地去銅鑼灣登龍街既Penthouse食西餐！登龍街我地去得多，但就未試過上呢幢大廈！Penthouse喺金朝陽中心二期頂樓，第一次去呢度食飯，大堂華麗之餘，竟然仲有兩個職員長期企喺度拉門，嚇咗我哋一跳！搭𨋢上到30樓，一開𨋢門已經有職員埋黎招呼，比左一張近窗口嘅二人枱我地坐！餐廳居高臨下，由我地個位可以遠望到中銀大廈，景觀雖然唔算太開揚，但係香港嘅夜景真係實在太靚啦！環境方面，餐廳嘅裝修帶點歐陸氣息，但唔會過度華麗令人有拘謹嘅感覺！枱與枱之間有一定距離，感覺好舒服，唔會覺得侷促！未開始點菜職員已經攞咗一盆熱辣辣嘅麵包俾我哋食，麵包配上自製嘅青醬酸酸地，比起搽牛油或者橄欖油加醋更開胃！打開餐牌見到選擇好多，主菜方面除咗有薄餅、意粉、一般西式菜式之外，仲有一啲炭燒肉類，搞到我地有少少選擇困難症！最後我地點左蟹餅、慢煮三文魚同埋西班牙乳豬！等食期間去洗手間，見到𨋢口掛住嘅牌匾先知道原來呢間餐廳連續三年獲得米芝蓮推介，令我更加期待陣間嘅菜式！率先上場嘅係蟹餅，賣相好靚，旁邊點綴嘅分別係千島醬、牛油果醬、芒果雜果沙沙，有誠意之餘味道亦跟蟹餅非常
Penthouse喺金朝陽中心二期頂樓，第一次去呢度食飯，大堂華麗之餘，竟然仲有兩個職員長期企喺度拉門，嚇咗我哋一跳！
搭𨋢上到30樓，一開𨋢門已經有職員埋黎招呼，比左一張近窗口嘅二人枱我地坐！餐廳居高臨下，由我地個位可以遠望到中銀大廈，景觀雖然唔算太開揚，但係香港嘅夜景真係實在太靚啦！
環境方面，餐廳嘅裝修帶點歐陸氣息，但唔會過度華麗令人有拘謹嘅感覺！枱與枱之間有一定距離，感覺好舒服，唔會覺得侷促！
未開始點菜職員已經攞咗一盆熱辣辣嘅麵包俾我哋食，麵包配上自製嘅青醬酸酸地，比起搽牛油或者橄欖油加醋更開胃！
打開餐牌見到選擇好多，主菜方面除咗有薄餅、意粉、一般西式菜式之外，仲有一啲炭燒肉類，搞到我地有少少選擇困難症！最後我地點左蟹餅、慢煮三文魚同埋西班牙乳豬！
等食期間去洗手間，見到𨋢口掛住嘅牌匾先知道原來呢間餐廳連續三年獲得米芝蓮推介，令我更加期待陣間嘅菜式！
率先上場嘅係蟹餅，賣相好靚，旁邊點綴嘅分別係千島醬、牛油果醬、芒果雜果沙沙，有誠意之餘味道亦跟蟹餅非常合拍！個人最鐘意芒果雜果沙沙，酸酸甜甜更開胃！老公就最鍾意牛油果醬，鐘意佢濃濃嘅牛油果味！主角「蟹餅」啖啖蟹肉，鮮甜味美，食落一啲都唔油膩，配少少爽脆嘅沙律菜一齊食，口感更佳！
到主菜出場喇！先黎一道「慢煮三文魚王」，主菜嘅份量比我想像中大，賣相亦非常精緻。大大塊肥美嘅三文魚王，油脂分佈平均，魚肉明明是熟了，肉質卻保持嫩滑，色澤也像生的非常鮮艷；食落口嘅質感比刺身更柔滑軟嫩，慢煮後再烤焗過唔單止冇over cook 反而令味道更好，魚油甘香，魚味甚濃，鮮甜得黎一點腥味都冇！比烤煎的好食好多！伴三文魚嘅係一個香濃嘅番茄醬，鮮番茄配上意大利青瓜、新鮮蟹肉同帯子，再加上一啲細細粒煙煙韌韌嘅疑似「粉團/意粉粒」，唔單令整道菜嘅口感變得更豐富，鮮番茄味仲帶出三文魚嘅鮮味，超正！十個推！
食完三文魚，隔左一陣另一道主菜「西班牙乳豬」亦上枱！有六件大大件嘅乳豬件，皮脆肉嫩，完全冇豬嘅「蘇」味，反而有淡淡嘅香草味，配埋甜甜地嘅自家製蘋果醬減低肥膩感，令人情不自禁食完一件又一件，將瘦身大計完全忘記左！伴碟嘅薯粒同烤原個蒜頭亦不錯！
餐廳嘅服務態度亦值得一讚！點菜嘅時候已經主動問我地係咪share, 又主動幫我地換碟，每道菜上枱嘅時候又會做簡單介紹，有問必答，最後又有問下我地滿唔滿意啲餸菜，！餐廳整體嘅食物質素、環境同服務都屬於高水平，唔怪得之連續三年獲米芝蓮推介啦！價錢屬於中上嘅合理水平，被老公評為「翻兜之選」！
Post
