燒肉一番 (Closed)

老公好鍾意食燒肉，成日想我陪佢去食，咁啱想去葵涌廣場行街，見到呢間燒肉店裝修幾靚，而且睇餐牌食物選擇都好多，於是就試吓😊一入餐廳就見到好大嘅龍貓公仔，忍唔住即刻打卡，餐廳地方闊落，而且好多日本嘅裝修，有啲似去咗日本。餐廳用QR code落單，我哋揀咗牛小排、牛胸腹、牛舌套餐，牛小排肉質鮮嫩，充滿牛味，牛胸腹油花均勻，鮮嫩多汁，牛舌切得好薄，香滑爽口，套餐仲附送雞腿肉同埋豚腩肉，雞腿肉夠香滑，豚腩肉油脂勁香，而且有好多款醬料可以選擇，我覺得燒肉汁同埋鹽醬味道都唔錯😊套餐入面嘅紫菜飯都好正，滿滿嘅紫菜芝麻，用嚟送燒肉食一流👍🏻呢間餐廳嘅海鮮都好正，蒜蓉牛油帆立貝，呢個勁厚肉而且鮮甜多汁，另外點咗廣島蠔，呢個又係勁鮮甜而且唔會縮水，另外龍蝦尾勁鮮甜，而且爽口，唔使點醬汁都好鮮味😍牛油雜菌都好正，香濃多汁，一口甜番薯甜甜地，烤熟咗更加香。飲品方面，叫咗檸檬紅茶，茉莉綠茶，青檸梳打，冰涼清爽配烤肉食一流👍🏻呢間烤肉店食物質素真係好好，而且服務態度唔錯，不停為我們換網，而且抽風系統好好，唔會食到成身油煙味😆