Isola Bar & Grill (Closed)

今日嚟咗IFC一間食意大利菜嘅餐廳，有Semi-buffet，望落環境唔錯，食物款式都算多。睇完餐牌就叫咗buffet連主菜。叫咗薑汁照燒鱈魚同埋香煎和牛。先講沙律吧，款式都幾多，芝士有唔同種類，仲有唔同coldcut、parma ham、哈密瓜唔陌生，仲有各式各樣嘅沙律同埋前菜通粉，亦有生蠔等凍海鮮，不過甜品選擇就比較少。呢度嘅煙三文魚好好食，煙燻味好特別，好香，唔似平時出面食開嗰啲。parma ham唔會死鹹，配埋哈密瓜絕配！呢度嘅熟食區燒牛估唔到出奇地好食！原本以為會比較乾同埋韌，但係呢度嘅牛味幾濃，而且一啲都唔韌，值得推介！呢度嘅生蠔都係任食，唔使擔心好多人爭，因為冇乜人排隊！海水味都幾重。呢度採取半開放廚房，主食味道一啲都唔失禮！和牛煎得好香，面頭少少焦脆，入邊5成熟，多肉汁，出色！薑汁照燒鱈魚，原本以為薑汁味好重會唔夾，但原來唔係，感覺似西京燒做法，甜甜地，魚肉嫩滑。