Video
Read full review
2010-05-01
10 views
又係補打~ 星期日搵咗個會計師朋友急救份accounting essay,補完都成9點...見個肚有啲餓,就諗住同朋友仔一齊食飯~因為我想食日本嘢,所以原本想行去銅鑼灣食嘅,點知呀朋友話有好介紹,就跟咗佢黎正村啦~原來呢間喺夜晚9點後食滿$100會減$30,如此類推,睇落幾抵,一於去試下先~可能因為比較夜,只係得3,4台客,所以唔洗等就有得坐~朋友強烈推介佢地嘅玉子同吞拿魚,而我鍾意食牛油果同甜蝦,所以都點咗~等我續樣講啦~玉子壽司: 真係唔同平時嗰啲一片片嘅玉子,係一磚磚嘅~有口感啲,但係啲玉子就老咗少少...墨魚壽司: 黏稠度十足~真係好新鮮~星鰻牛油果卷:啲星鰻炸咗嘅,唔講仲以為係軟殼蟹...不過同牛油果好夾,唔會覺得好heavy~吞拿魚卷:我一向都唔太鍾意食吞拿魚嘅,不過呢個啲肉地真係唔錯,可以一試~三味鮭魚: 即係鮭魚壽司,鮭魚腩壽司同火灸鮭魚腩壽司三款~一次過食曬三種唔同口味~三味海老: 即係蝦壽司,特大甜蝦壽司同富貴蝦壽司三款~不過是日無曬富貴蝦,可以用其中一種代替,咁我緊係要特大甜蝦啦~即刻抵曬~(因為三味海老同特大甜蝦壽司都係$25一碟~)三味白身魚:唔記得係邊3款白
原來呢間喺夜晚9點後食滿$100會減$30,如此類推,睇落幾抵,一於去試下先~可能因為比較夜,只係得3,4台客,所以唔洗等就有得坐~朋友強烈推介佢地嘅玉子同吞拿魚,而我鍾意食牛油果同甜蝦,所以都點咗~等我續樣講啦~
玉子壽司: 真係唔同平時嗰啲一片片嘅玉子,係一磚磚嘅~有口感啲,但係啲玉子就老咗少少...
墨魚壽司: 黏稠度十足~真係好新鮮~
星鰻牛油果卷:啲星鰻炸咗嘅,唔講仲以為係軟殼蟹...不過同牛油果好夾,唔會覺得好heavy~
吞拿魚卷:我一向都唔太鍾意食吞拿魚嘅,不過呢個啲肉地真係唔錯,可以一試~
三味鮭魚: 即係鮭魚壽司,鮭魚腩壽司同火灸鮭魚腩壽司三款~一次過食曬三種唔同口味~
三味海老: 即係蝦壽司,特大甜蝦壽司同富貴蝦壽司三款~不過是日無曬富貴蝦,可以用其中一種代替,咁我緊係要特大甜蝦啦~即刻抵曬~
(因為三味海老同特大甜蝦壽司都係$25一碟~)
三味白身魚:唔記得係邊3款白身魚啦...都係正正常常啦~
再要讚下個飯~點完鼓油都唔會散曬~
不可不提嘅係啲服務態度真係好~雖然啲waiter都好後生,但係做嘢好有幹勁,添水添得好快~偷聽到後面嗰台食佢地嘅火鍋放題,個waiter喺佢地未落單之前好仔細咁講一次啲收費同埋包括咩食物,唔洗引起不必要嘅誤會,好專業~而且上菜收碟都好快,好有效率~
食到飽每人$70都唔洗,真係平靚正~成間舖得兩個缺點:第一個係大有廣場人流較少,我每星期行過都唔知有呢間舖嘅存在;第二係坐卡位可以好清楚聽到後面嘅講咩...不過總言之都真係間好好嘅舖頭,因為今時今日呢個價有呢個質素同服務已經好難得架啦~希望呢間keep得到啦~
Post
