Video
Read full review
2010-10-07
39 views
10月4號同朋友揸車去左西貢!本來去西貢既目的係想食海鮮既…不過入到去時都已經係9:30左右, 怕d海鮮會唔新鮮所以就打算周圍碰碰睇下有咩好食…兜下兜下見到間富有懷舊氣氛既餐廳, 諗左一陣, 最終就決定去試試..其實入去既主要原因係因為好耐都未去過依種feel既餐廳, 入去之前都無咩大既期望..只係諗住食feel 架jar….不過講真好似返左去中學既時代咁…一入到去, 就有侍應安排座位俾我地!! 本來我地係被安排坐係留下既位置. 但係就覺得有d嘈, 所以個女侍應就安排左留上既坐位俾我地。餐廳入面d燈光好柔和好舒服, 枱既右上角仲放左蠟燭添…當日既餐牌有羊鞍, 魚, 西冷…當我係度猶疑食咩既時候, 個個女侍應就黎介紹左牛柳同埋招牌菜紅椒酸辣大蝦俾我地食…..雖然個日係想食海鮮, 但係入到扒房總係認為要食牛扒先啱feel!! 最終就決定一個食牛柳另一個就食肉眼。兩份牛扒都係五成孰….落單後都唔過5分鐘,侍應就將一紅一白湯連埋多士送黎。雖然塊多士望落去唔係話好吸引, 但食落好脆, 加上佢地一早已經係塊多士度落左牛油, d牛油融左落塊多士度 , 好入味好正。至於湯我就覺得紅湯好味d啦! 佢既紅
10月4號同朋友揸車去左西貢!本來去西貢既目的係想食海鮮既…不過入到去時都已經係9:30左右, 怕d海鮮會唔新鮮所以就打算周圍碰碰睇下有咩好食…
兜下兜下見到間富有懷舊氣氛既餐廳, 諗左一陣, 最終就決定去試試..其實入去既主要原因係因為好耐都未去過依種feel既餐廳, 入去之前都無咩大既期望..只係諗住食feel 架jar….不過講真好似返左去中學既時代咁…
一入到去, 就有侍應安排座位俾我地!! 本來我地係被安排坐係留下既位置. 但係就覺得有d嘈, 所以個女侍應就安排左留上既坐位俾我地。餐廳入面d燈光好柔和好舒服, 枱既右上角仲放左蠟燭添…
當日既餐牌有羊鞍, 魚, 西冷…當我係度猶疑食咩既時候, 個個女侍應就黎介紹左牛柳同埋招牌菜紅椒酸辣大蝦俾我地食…..雖然個日係想食海鮮, 但係入到扒房總係認為要食牛扒先啱feel!! 最終就決定一個食牛柳另一個就食肉眼。兩份牛扒都係五成孰….
落單後都唔過5分鐘,侍應就將一紅一白湯連埋多士送黎。雖然塊多士望落去唔係話好吸引, 但食落好脆, 加上佢地一早已經係塊多士度落左牛油, d牛油融左落塊多士度 , 好入味好正。至於湯我就覺得紅湯好味d啦! 佢既紅湯好濃, 唔同出面個d, 出面有d餐廳d湯材料少水又多, 一係就酸得濟, 一係就得辣。白湯就唔係真係咁出息啦! 不過都唔錯, 因為佢都算濃。
飲完個湯無幾耐兩塊牛扒就有得食啦, 牛扒係鐡板上既, 仲有蒜蓉蒲上面, 令到塊牛扒好香。兩塊相比之下我覺得牛柳好味d, 肉質軟綿嫩滑....有肉汁有肉味.... 佢既五成孰啱啱好, 我覺得要做到啱啱好並唔容易! 不過我就選擇左叫佢將d汁另上因為我唔想令到d薯條淋晒!! 最後雪糕我地都選擇左芝麻味…仲有杯餐飲添!!
一個晚餐咁大份, $150都好合理!!加上氣氛, 食物質素都幾好, 可以一試呀朋友!!
雖然個女侍應個樣有d惡, 不過當佢走埋黎介紹餐廳招牌菜時不但只有禮貌, 仲同我地有講有笑添!人不可以貌相啊!我反而欣賞佢安排位置俾我地既細心…..
Post