Sole Coffee (Closed)

朋友見我鍾意焦糖，特意推介呢度嘅latte😽· 慢煮美國PRIME級下肩胛翼板肉三文治 / $138個名好長🤣配粗直薯條，薯條份量好多，外脆內軟，鍾意呢度三文治用ciabatta，軟身得嚟帶少許韌度，牛肉嘅熱力令到麵包上面嘅牛油香散發出嚟，好香，食嘅時候啖啖肉，唔會食到一半就冇晒肉🥹醬汁我都好鍾意，連埋番茄同菜食好fresh。· All Day Breakfast / $98有小插曲，本身同朋友揀好咗食意粉，我負責落單（要先去點餐處落單比錢），食物嚟到先發現我叫錯咗All Day Breakfast😂😂講返食物，沙律菜配藍莓冇咁單調，食材新鮮，煙肉唔會煎得乾身，不過poached egg有小小鞋身🤔荷蘭醬較淡味，除咗呢樣其他都幾好，多士都烘得剛好，夠軟熟。Crunchy Caramel Latte / $45(cold) $40(hot)牛奶咖啡平時都係飲熱居多，但呢幾日實在又焗又熱，要飲凍嘢平衡，凍嘅Latte原來好好飲，奶泡打得又高又多，啲冰融咗之後都唔會成杯咖啡變得好水，焦糖脆脆加分🥹p.s.朋友嗰杯都係一樣但係熱嘅。