啡寮 (Closed)

早排同男友一齊放假無聊即興入左長洲hea下 平日既長洲的而且確幾laidback 幾好hea 上船我已經同男友講要去啡療 因為佢未入舖既時候已經睇過佢既訪問 個老闆原先係係街邊賣冰滴咖啡 到之後出左名之後入舖 黎到舖頭都幾impressed 因為舖頭既裝修好靚 好文青 牆上好多掛左冰滴咖啡壺 睇得出店主花左好多心思係店內裝修擺設上面 的確係一個打卡既好地方黎到當然唔會淨係打完卡就走 嘆埋杯咖啡先！左邊個邊係凍椰皇冰滴咖啡 右邊既係凍既氮氣冰滴咖啡 飲左一啖之後覺得咖啡都幾濃幾香既 但佢既咖啡豆係偏酸 偏酸既咖啡我十分麻麻 所以飲左兩啖就無飲嚕！ 椰皇個杯唔知係咪有冰既關係 所以椰皇味淡左少少 而氮氣既口感係幾特別 但味道我就唔係太飲得出有咩特別 打完卡到此一遊完 下次再發掘我喜歡既咖啡！