Video
Read full review
2017-12-03
38 views
今日嚟到藍屋一帶閒逛，見到呢間餐廳都幾有風味，加上見到佢哋個餐牌竟然係西班牙嘅 fushion 菜，即刻入去試下先。餐前嘅小食係法式麵包，麵包上面佈滿香草，最啜核嘅係個黑醋汁上面竟然有一大 pat 嘅蒜泥，從來食麵包點油醋汁就試得多，有埋蒜泥嘅感覺真係完全唔同，蒜泥加醋，真係絕配。Caesar salad，呢個凱撒沙律用到原條嘅羅馬生菜，令賣相更加齊整，加埋煙三文魚嘅鹹香，同羅馬生菜相輔相承，特別鍾意佢周邊有少少辣粉，令平凡嘅凱撒沙律變得不平凡。Golden chicken wing，呢個黃金雞翼有少少似大排檔嘅避風塘小炒，不過呢度仲多咗香草嚟到做調味，令到成件事更加有 fushion 嘅感覺；雞翼爆得脆身，加埋包圍住佢嘅鹹蛋黃都無整到個皮唔脆，值得一讚，雞翼中間被破開成為單骨雞翼，令食嘅時候更加方便。Truffle fries，經典嘅黑松露薯條，薯條被密麻麻嘅黑松露所包圍，每一條都炸得金黃酥脆，特別鐘意佢面頭一片片嘅parmesan cheese，同陣黑松露味好夾。Grilled game hen，走地雞被煎皮拆骨，食嘅時候啖啖肉，認真暢快；左上角既係流心嘅鵪鶉蛋，連鵪鶉蛋都做到流心
今日嚟到藍屋一帶閒逛，見到呢間餐廳都幾有風味，加上見到佢哋個餐牌竟然係西班牙嘅 fushion 菜，即刻入去試下先。
餐前嘅小食係法式麵包，麵包上面佈滿香草，最啜核嘅係個黑醋汁上面竟然有一大 pat 嘅蒜泥，從來食麵包點油醋汁就試得多，有埋蒜泥嘅感覺真係完全唔同，蒜泥加醋，真係絕配。
Caesar salad，呢個凱撒沙律用到原條嘅羅馬生菜，令賣相更加齊整，加埋煙三文魚嘅鹹香，同羅馬生菜相輔相承，特別鍾意佢周邊有少少辣粉，令平凡嘅凱撒沙律變得不平凡。
Golden chicken wing，呢個黃金雞翼有少少似大排檔嘅避風塘小炒，不過呢度仲多咗香草嚟到做調味，令到成件事更加有 fushion 嘅感覺；雞翼爆得脆身，加埋包圍住佢嘅鹹蛋黃都無整到個皮唔脆，值得一讚，雞翼中間被破開成為單骨雞翼，令食嘅時候更加方便。
Truffle fries，經典嘅黑松露薯條，薯條被密麻麻嘅黑松露所包圍，每一條都炸得金黃酥脆，特別鐘意佢面頭一片片嘅parmesan cheese，同陣黑松露味好夾。
Grilled game hen，走地雞被煎皮拆骨，食嘅時候啖啖肉，認真暢快；左上角既係流心嘅鵪鶉蛋，連鵪鶉蛋都做到流心，真係第一次試，鵪鶉蛋底下紫色嘅係紫薯蓉，廚師將芝士加埋落薯蓉入面，芝士同薯蓉原來係出奇咁夾，有創意我鍾意。
Sangria，呢杯 Sangria 顏色咁夢幻，原來係源自於一個美麗嘅巧合，話說有日廚師想整杯Sangria嘅時候，咁橋用哂啲紅酒，咁佢就嘗試用其它雞尾酒去調配，點知好飲之餘出嚟嘅賣相仲好靚添，就係咁樣成就咗呢一杯咁夢幻嘅Sangria喇。
Post
