協奏坊西餐廳 (Closed)

今次係第二次黎呢度食，上次同同事食完之後，大家都覺得呢度好抵食，想encore，不過約極都約唔齊人，今日終於齊人開飯啦😆今次轉左主題，蟹🦀 。不過我對蟹麻麻地，因為太麻煩，要拆。我只係食左啲蟹腳，同事話蟹腳咸，但我就接受到。之後就食沙律，佢沙律款式都ok; 跟手食左啲熱盤，不失不過；再食就係佢呢度即叫即煮既炒天使麵，都係不失不過；最後就當然係甜品啦！今次好surprise, 有芋圓呀 因為我對芋圓有情意結，今次要加分比佢自助餐黎講呢度真係好平，加上OpenRice 優惠，買單只係288，平過食放題如果你要請一家大細黎，呢度絕對係抵食之選！