Cambo ขุนทอง (The ONE)

Open Now

Now Closed

今日係the one 睇完mission impossible，行落樓下就見到間泰式餐廳叫 cambo，小試牛刀食完好想大叫ja jumbo，因為呢間餐廳d餸絕對唔humble。返翻正題講下d餸先，分別叫左3個餸，泰式炸魚餅、香茅烤豬頸肉同咸魚炒油麥菜。首先講下個炸魚餅，表面金黃，十分香口，最欣賞佢嘅係香茅味十分重，濃烈嘅香料味，真係好泰國風。至於個香茅烤豬頸肉，反而無乜香茅味，不過肉質幾滑嫩，咬落唔算乾硬，不過個邊又脆身，要做到外脆內軟都要有d技巧，師傅做得唔錯。咸魚炒油麥菜就不過不失，味道比較清淡，咸魚雖然大粒，但味道無點溶入個菜度。呢個菜清淡得黎剛好平衡到之前重味嘅肉，不會食到尾都重味。總體來說，幾正宗的泰國菜，價錢亦算合理，可以一試。