組長日式放題 (Closed)

新年到就係時候放縱下自己，同朋友gather下，想咩都有得食下，就試下組長，6.30pm到$218/位，加$38 可點極上食品，限時2小時候，半小時前停order。係門口玩魚蝦蟹遊戲，都幾有趣。有3次機會喔!日式食品博大精心，有軍艦、卷物、刺身、鐵板燒、壽司、沙律、火炙壽司、一品料理、爐端燒、天婦羅、涮涮鍋，應有盡有，基本上你諗到都叫得到。中獎的拖羅很肥美，壽司飯夠黏。熱茶有玄米茶、菜蜜、柚子蜜，熱食有花膠元貝水蟹粥和粟米魚肚羮，都很足料，味道不錯。元貝味豐郁，仲有大量蟹籽和成隻蟹喺入面。飲品和雪糕任食。壽司有三文魚、油甘魚、北寄貝、蟹棒、劍魚腩、象拔蚌、組長蝦，最愛油甘魚和劍魚腩，油脂高，口感一流。火炙壽司有三文魚、玉子、右口魚邊、和牛、鰻魚、黑松露帆立貝，味道略嫌單一，可以用不同鹽味或醬油調味，會令到value更高。雞軟骨串ok大蝦、蕃薯、香蕉天婦羅，可以試下。Yakitori有好多款式，鰻魚串多汁美味，牛肉粟米芯卷幾好味，牛肉豆腐卷、雞肉元貝串、，可以試下沙嗲醬(點串燒用)。燒新鮮菠蘿、青椒仔煙肉串、日式蕃薯仔日式炒野菜