JK Kitchen (Closed)

收工約埋fd一齊去食越南菜，上到去環境不錯，成間裝修都係藍白色，環境都靜靜地，因為每台隔既位置都唔係好近，可以大肆咁同fd吹水呀～另外waiter態度都好好～小食拼盤-入面有5樣嘢，有魚餅，雞翼，春卷，薯仔絲炸蝦同埋蔗蝦，啱晒想試唔同小食既人～樣樣都炸得好香好脆～炒通菜好惹味，通菜都好新鮮好嫩～JK 湯河-入面有幾種肉，分別係熟牛肉，牛腩，札肉～湯底又好有味，我同fd都好鍾意食呢個湯河～米紙卷-入面好多料，米粉比例最多，仲有青瓜，蝦同肉，大大啖口感好豐富，好清爽好啱做開胃菜👍🏻👍🏻👍🏻菠蘿豬頸肉炒飯-呢個飯好抵食，除左豬頸肉好多之外，估唔到飯入面都咁足料，有肉鬆，蝦，提子乾，菠蘿等等！食到我地好飽！價錢又唔貴，性價比好高呀。