專業咖喱皇 (Closed)

上星期六約6點半，路經佐敦突然肚餓，見到對面馬路的專業咖哩皇，便去試試。入到去，竟然一個客都冇，只有銀髮紅唇婆婆和一個中國、一個印度waitress。但我地都坐低，選了印度咖哩雞和俄羅斯焗豬扖飯，婆婆問要唔要春卷，我地梗系唔要la！唔知新唔新鮮！有個男人由廚房走出來，叫我地不如要芝士焗豬扖飯，我地唔肯改，佢就走返入去。印度哩雞的味道ok，但個印度waitress隻手指掂到碗邊d咖哩就打晒折扣！俄羅斯焗豬扖飯 － 恐佈！！是一塊切開唔知有冇炸過嘅豬扖放在牛油味的黃色稀湯裏，用個錫紙盆裝著就叫做焗？白飯分開上。這是正宗的俄羅斯焗豬扖飯嗎？還是要加芝士？差不多走的時候有一對男女進來，婆婆又問要唔要春卷、炒米線，話唔系日日有。梗系唔系日日有la！都冇客！銀髮婆婆又要坐响門口一邊食煙、一邊叫人入去食嘢。