牛屋餐廳

Open Now

Now Closed

因為懶多年無寫食評。今日真係唔寫唔得事源，今日路經多年前成日去啲牛屋，見午餐同以往一樣好抵食便入內重温舊日回憶。內部裝修多年不變，但侍應當然不同往昔。叫了我當年成日食開啲黑椒牛扒餐($53)。先嚟忌廉湯同餐包。包已搽牛油唔係以前畀嚿牛油你自己搽。個包又凍又硬，嗰面已經乾晒，牛油似有似無。忌廉湯，麵粉水+幾粒粟米，不食也吧。主菜上場：黑椒牛扒+薯菜。$53都預咗牛扒唔會靚，所以對牛扒肉質無要求，但……個黑椒汁真攞命不單似糊仲超，超，超……咸，諗住撥開個黑椒汁淨食牛扒，點知連個牛扒都超咸，哩餐真係挑戰我啲腎功能。整餐最正常啲係加$3啲熱檸茶，無錯，哩到要飲嘢無論冷熱都要加$3，華田，好立克，朱古力就要加$5。以往對牛屋都有唔錯啲回憶，但今餐全部粉碎，以後亦唔會有重回舊地啲想法。