嘉寶漢堡 (和益中心)

Open Now

Now Closed

平時好多人排晒隊, 唔知係咪太早, 今晚竟然冇人排, 咁我就繄係趁機去食 😁 漢堡種類除左豬, 牛, 羊之外, 仲有雞, 蝦同素食, 為唔同客所需而設。雖然係快餐店既一種, 短短買野食個幾分鐘都感受到服務生個態度, 坦白講就麻麻地。叫左個黑松露芝士牛堡 $54, 加$18可以跟餐, 有個小食同一杯飲品, 漢堡個皮好軟熟, 中間加左好多黑松露醬, 夾住芝士, 生菜, 仲有蕃茄, 所以個包好Juicy, 食到流晒汁 😆 小食要左炸燒賣, 燒賣加左胡椒粉, 佢跟個沙律醬, 小編就覺得唔點仲好食, 炸燒賣稍微炸得over左, 所以唔易咀嚼 🙃 呢個價錢中規中矩, 唔算貴唔算平, 間唔中食一餐半餐都無妨。特別要講下佢部洗手機, 雖然而家有d M記都有, 但真係好方便, 食前食後都可以洗!