御石燒 (Closed)

喺旺角行街，睇完鞋之後見到呢間，我見到係石板燒，就決定食呢間做晚餐。兩個人一人嗌咗一款， share食都好夠食。職員好細心問我哋需唔需要圍裙，咁就唔怕整污糟啲衫。又會好溫柔咁提醒，小心彈油辣親自己。每個燒肉餐，都會配上一舊脂肪，係令到個鐵板上有油，令到肉唔會黐底，如果用完嘅話，可以問佢哋再拎多一舊。唔夠火，都會好快幫手換。$ 88 御燒豚肉 配椰菜絲沙律豚肉油脂分怖啱啱好，燒完之後，食入口後都唔會覺得油膩。椰菜絲沙律，有少少酸酸地嘅汁，配埋豚肉解膩啱啱好。$ 158 御燒特級牛小排+$35紫菜味素飯＋流心蛋＋麵豉湯呢一款係非吉列款，呢個價錢嚟講，份量都好多，大概有十幾差唔多二十塊。油脂分布好平均，唔會太多肥膏。肉質軟淋嫩滑，每邊煎一陣，已經好快食得晒。食入口好Juicy，爆出好香嘅牛肉汁，配埋素飯，一流。流心蛋多幾好食，應該醃製過，有少少醬油味。麵豉湯唔會太鹹，自己一路食，一路燒，好過癮。性價比高，可以再嚟過。