祥興記上海生煎包 (譚臣道)

Open Now

Now Closed

閒日兩點經過灣仔，未食中午，所以去左祥興記食小小野。叫左一碟招牌生煎包，有四粒，$30蚊。響收銀處叫完，等左一陣就拎得。雖然撞唔正岩岩整好，但四粒生煎包都仲係熱既。店內只有立食位置，採取自己清潔方式，食完自己扔垃圾。生煎飽個底好脆，但唔會太厚皮，個面薄到好似小籠包咁，一口咬開，好多肉汁流出黎，非常Juicy，但要小心熱，如果唔係會熱到辣辣個咀。個餡係豬肉，幾足粒，並冇豬蘇味。食完四粒有啲滯，幾飽。