MOMOME

Open Now

Now Closed

喺廟街發現咗一間性價比比M記高嘅快餐店，店員態度友善，見到佢同啲食客都有傾有講，我點左origin burger，最基本嘅牛肉餅漢堡，大大個材料仲有蕃茄、酸瓜、芝士、牛肉餅、煙肉蛋，我好鍾意佢個漢堡醬，唔會得個鹹字，酸酸甜甜連埋蕃茄同酸瓜好好味，一路食一路爆汁，佢哋嘅漢堡係即叫即製，絕對唔係整定晒放喺度，都只係$45 ，唔怪之得晚餐時間咁多街坊黎食，我再叫咗個帕馬臣芝士黑松露薯條，呢個真心要讚下，平時嘅最多係加黑松露沙律醬，但佢係真係黑松露薯條，每一條薯條入邊都包住黑松露，好正，係堅黑松露薯條🍟🤩男朋友叫咗Chili dog同spicy chicken duo， 熱狗超吸引，有法蘭克福腸、洋蔥、辣椒肉醬等，男朋友好鍾意食辣呢個簡直啱晒佢心水，辣肉醬好惹味，熱狗黎講佢真係好足料，仲有大量芝士沙律醬，yummy and juicy🌭🌭至於香辣脆雞就有雞胸同雞鎚，辣粉加上即炸嘅脆雞，見到男朋友都食得好滋味😂仲有佢飲品有最新隻ooh汽水，推介桃味😉