陳鵬鵬潮汕菜館

Open Now

Now Closed

星期六中午一點半到達，都要等位一陣(大約十分鐘) 至入得去。我哋被安排坐餐廳中央位置， 佢哋啲座位排到勁迫夾，我哋張枱掂住隔離枱個椅背，細細嘅枱加埋樓底比較矮， 充滿侷促嘅感覺。一坐落已經有幾杯功夫茶同埋有小食係檯面 ，我哋一行四人(3成人一個小朋友)點咗嘅餸菜包括煎蠔餅、鹵水鵝肝 、鴨腎、 胡椒豬肚湯、 金牌鹵水鵝肉 、潮汕炸粿肉， 每碟都細細的，目測頂多都係二人份量，唔多食得飽肚，最後不出所料，我哋四個人都要去隔離嘅糖水店 ，食返碗糖水先至夠飽。總括來講，性價比偏低😵， 食物味道方面，尚可，但係沒有驚喜， 最好味居然係個餐前餅😒!鹵水鵝肝唔夠滑，蠔餅算夠香口， 有些許煙韌嘅質感， 其他就冇乜記憶點😨，應該唔會再有下次， 最後連加一560幾蚊， 人均百幾蚊 。