Video
Read full review
2017-11-20
4085 views
依度裝修有特色，好多玻璃瓶係燈，有點fell又xmas佈置。今日急轉凍，先一人一個湯，暖下先。法式芝士洋蔥湯同蘑菇忌廉湯。法式芝士洋蔥湯，芝士味同洋蔥味共同存在，無話邊個重。如果真係要講既，我覺得洋蔥少少味既，芝士味易入口，有件大麵包係湯上，得意。蘑菇忌廉湯就cream dd，有點日本風。都幾多蘑菇，味少少青香味，有少少野咬到咁，都ok！配住食3個小食，先嚟蝦牛油果法包多士，蝦多士見得多，都食多！但蝦配牛油果就新嘗試。本身牛油果帶有肉味咁，再食埋蝦吊一吊微蝦味，再有芥末味。再有咬感彈一彈，nice！鮮橙香草雞肉片，好清新帶點夏子味道，橙既汁幾開胃同埋過一過之前覺得多士既油一油感覺。清新返後就食更濃味既野食啦，意式炸魷魚圈配黑松露醬，好野味。炸粉都可以，魷魚圈份量都夠過口引，唔會橡膠咁難咬。羅勒醬鮭魚牛油果 Salmon & Avocado with Pesto Sauce 8"又有牛油果出現啦，其實佢係好飽肚既水果，又好特別似食肉類，我地幾喜愛！配三文魚有個好處係增加油份感，油而不太過份，始終魚既油食落比肉既油健康d咁？pizza底都做得可以，下次可以食下其他款。餐廳做混合菜，少不了一
依度裝修有特色，好多玻璃瓶係燈，有點fell又xmas佈置。
今日急轉凍，先一人一個湯，暖下先。法式芝士洋蔥湯同蘑菇忌廉湯。法式芝士洋蔥湯，芝士味同洋蔥味共同存在，無話邊個重。如果真係要講既，我覺得洋蔥少少味既，芝士味易入口，有件大麵包係湯上，得意。蘑菇忌廉湯就cream dd，有點日本風。都幾多蘑菇，味少少青香味，有少少野咬到咁，都ok！
配住食3個小食，先嚟蝦牛油果法包多士，蝦多士見得多，都食多！但蝦配牛油果就新嘗試。本身牛油果帶有肉味咁，再食埋蝦吊一吊微蝦味，再有芥末味。再有咬感彈一彈，nice！鮮橙香草雞肉片，好清新帶點夏子味道，橙既汁幾開胃同埋過一過之前覺得多士既油一油感覺。
清新返後就食更濃味既野食啦，意式炸魷魚圈配黑松露醬，好野味。炸粉都可以，魷魚圈份量都夠過口引，唔會橡膠咁難咬。
羅勒醬鮭魚牛油果 Salmon & Avocado with Pesto Sauce 8"又有牛油果出現啦，其實佢係好飽肚既水果，又好特別似食肉類，我地幾喜愛！配三文魚有個好處係增加油份感，油而不太過份，始終魚既油食落比肉既油健康d咁？pizza底都做得可以，下次可以食下其他款。
餐廳做混合菜，少不了一道又日本風又西方風味既和風蒜香白酒汁蜆肉意粉。小朋友都食到，白酒唔濃，係調味。反而蒜味令個意粉好好食，意粉咬勁好，蜆肉無沙。
仲有兩件焗生蠔香草芝士香氣撲鼻！唔可以話大隻，焗既點都好食呀，嘻嘻。何況有香草呢，芝士對我嚟講多既，怕肥嘛，哈哈。
甜品叫左魔法黑朱古力球，一講魔法有d覺得係哈利波特，哈哈。
滾球滾球滾落肥，焦糖一溶就係雲尼拿雪糕，滿足黑朱古力迷既我既點心。
Apple Tango English tea有蘋果清d，平時English tea就濃同有機會乾口少少。感覺抹茶要熱水最有味？Matcha Frozen感覺不濃不淡，但因為食左咁多重味野，咁配答就又幾配啵。
Post
