CURATOR Art & Café (Closed)

收工過來K11買野，轉角見到尼間好有藝術氣息的主題餐廳，色彩繽紛，就同朋友仔一齊試試。意式火腿配水牛芝士薄餅先上，個餅底好脆好香，又唔會太乾。火腿淡淡的鹹味，配上奶香奶香的水牛芝士，好開胃又滿足。酥脆雞錘配水牛芝士醬，雞錘有三隻，面皮好脆，雞肉咬落好嫩，唔會硬柴柴，芝士醬唔多，點綴在雞錘表面，都好好味。自家製意式肉丸配芝士，芝士控都忍唔住要讚，肉丸的肉香味跟芝士的香味配搭得perfect，又有番茄🍅的味道增加層次。咬一啖肉丸，要咬一啖蘸滿番茄湯汁的麵包，滿足。橄欖油炒墨汁意粉配帶子，橄欖油加蒜末炒得香噴噴，意粉唔會太軟且乾身，帶子肉勁厚，煎得兩面焦香，令人食慾大動。最後上佐tiramisu，賣相靚得來味道都幾好，輕盈的cream搭配濕潤的手指餅，充滿咖啡酒味，都幾出色。