Video
Read full review
2020-01-21
734 views
星期五晚就梗係要約朋友聚下食個飯，呢日再次嚟到K11 Musea逛逛，喺地鐵站行過嚟嗰層一直行一直行就會見到有幾間食肆！我朋友一見到Curator就話想試，因為見過我食西環嗰間Lex Coffee好似好正咁🙈。哈哈好啦，難得見佢咁有興趣。我哋七點半鐘去到，啱啱有人走，所以可以直入。由於我朋友食素🥬，唔食肉🥩，所以就問下店員有無乜啱食，佢好熱心幫我哋問下廚房，之後仲推介咗兩款，就聽佢話叫咗嗰兩款啦😊。招牌墨西哥式煎蛋早餐Curator Huevos Rancheros($98)，依個菜式嘅造型令我覺得有啲似隻蟹🦀，幾吸引又幾得意。成個組合真係幾似早餐，因為有塊麵包又有隻太陽蛋，配埋牛油果醬🥑同濃味的Nachos粟米片一齊食，好惹味。不過呢樣比較似前菜／小食／早餐，所以份量唔多，當佢一樣主菜應該爭少少🙈。香蒜橄欖油意粉Linguine Aglio E Olio($158)，意粉用上扁意粉，煮得幾彈牙，而且唔乾、有唔少碎芝士，加上搭配大量雜菇🍄，整體都幾好。海鹽朱古力香蕉冰雪世界Seasalt Banana Snow($68)，個名好頂癮😆，好似迪士尼卡通咁。呢杯係我朋友叫，隔離飯香吧，佢呢
星期五晚就梗係要約朋友聚下食個飯，呢日再次嚟到K11 Musea逛逛，喺地鐵站行過嚟嗰層一直行一直行就會見到有幾間食肆！我朋友一見到Curator就話想試，因為見過我食西環嗰間Lex Coffee好似好正咁🙈。哈哈好啦，難得見佢咁有興趣。我哋七點半鐘去到，啱啱有人走，所以可以直入。
由於我朋友食素🥬，唔食肉🥩，所以就問下店員有無乜啱食，佢好熱心幫我哋問下廚房，之後仲推介咗兩款，就聽佢話叫咗嗰兩款啦😊。
招牌墨西哥式煎蛋早餐
$98
45 views
0 likes
0 comments
招牌墨西哥式煎蛋早餐Curator Huevos Rancheros($98)，依個菜式嘅造型令我覺得有啲似隻蟹🦀，幾吸引又幾得意。成個組合真係幾似早餐，因為有塊麵包又有隻太陽蛋，配埋牛油果醬🥑同濃味的Nachos粟米片一齊食，好惹味。不過呢樣比較似前菜／小食／早餐，所以份量唔多，當佢一樣主菜應該爭少少🙈。
香蒜橄欖油意粉Linguine Aglio E Olio($158)，意粉用上扁意粉，煮得幾彈牙，而且唔乾、有唔少碎芝士，加上搭配大量雜菇🍄，整體都幾好。
海鹽朱古力香蕉冰雪世界
$68
38 views
0 likes
0 comments
海鹽朱古力香蕉冰雪世界Seasalt Banana Snow($68)，個名好頂癮😆，好似迪士尼卡通咁。呢杯係我朋友叫，隔離飯香吧，佢呢杯好好飲，上面好似有層焦糖食落脆脆的，下面就係香蕉朱古力🍌🍫。
抹茶拿鐵Green Tea Latte($49)，呢杯就係我叫嘅，我都開始學人飲熱飲養生😂。Latte上面有個簡單嘅拉花🌿，味道正常，無乜特別，抵讚係唔太甜。
總括嚟講，食物味道同擺碟都唔錯，我今次依位朋友比較細食，所以食得唔多嘢。餐廳環境亦都幾靚，剩係門口朵彩色大花花已經好Eye-catching😍，而且有好多玻璃櫃放咗啲展品，真係好似藝術館咁。不過我自己都係鍾意西環店多啲，因為係街舖，樓底高啲嘛。
Post
